राना थारु संस्कृति र विद्यार्थीको सिर्जनशीलता झल्कियो वेस्टर्न पब्लिक एकेडेमीको फुडफेष्टमा
महेन्द्रनगर – जिउडाल चिटिक्क मिलेको, चौधरी पोशाकमा सजिएकी एक किशोरी ‘ढीग्री खाने हो?’ भन्दै आगन्तुकलाई सोधिरहेकी थिइन्। थारु समुदायको लोकप्रिय परिकार ढीग्री चाख्न आग्रह गर्ने ती किशोरी भीमदत्त नगरपालिका–४ भागतपुरकी पुष्पा गुरुङ हुन्।
कक्षा १२ मा होटल म्यानेजमेन्ट अध्ययनरत पुष्पालाई पहिलो नजरमा धेरैले थारु समुदायकी ठान्न सक्छन्। तर उनी गुरुङ समुदायकी हुन्।
मंगलबार वेस्टर्न पब्लिक एकेडेमी महेन्द्रनगरले आयोजना गरेको फेष्ट–२०८२ मा स्वागत गेटबाट छ नम्बर स्टलमा चौधरी पोशाकमा सजिएका विद्यार्थीहरूको समूहले सबैको ध्यान तानेको थियो। त्यही समूहमा पुष्पा पनि थिइन्।
पुष्पासँगै उनकी साथी आशिका चौधरी, कक्षा ९ मा अध्ययनरत आकाश चौधरीलगायत विद्यार्थीहरूले राना थारु संस्कृति, परिकार र रहनसहनको प्रचारप्रसार गर्ने उद्देश्यले राना थारु स्टल राखेका थिए।
फुडफेष्टको अवसरलाई सदुपयोग गर्दै राना थ...
