१
Advertisement
नयाँ खबर
महेन्द्रनगर–कञ्चनपुर जिल्लाको कृष्णपुर नगरपालिका–४ स्थित श्री पञ्चाधिन माध्यमिक विद्यालयमा समावेशी तथा बाल अपाङ्गता तथा लैङ्गिक मैत्री शौचालय निर्माण गरी औपचारिक रूपमा हस्तान्तरण गरिएको छ।नेपाल राष्ट्रिय समाज कल्याण संघ कञ्चनपुर, वर्ल्ड भिजन इन्टरनेशनल नेपाल र कृष्णपुर नगरपालिकाको साझेदारीमा समावेशी तथा गुणस्तरीय शिक्षा परियोजना अन्तर्गत शौचालय निर्माण गरी हस्तान्तरण गरीएको हो । कार्यक्रममा नेपाल राष्ट्रिय समाज कल्याण संघ कञ्चनपुरका कार्यक्रम संयोजक रामेश्वर जैरुले बालबालिकालाई सुरक्षित, समावेशी र बालमैत्री वातावरणमा गुणस्तरीय शिक्षा प्रवर्द्धन गर्ने उद्देश्यसहित भुगोल सुहाउँदो ढाँचामा शौचालय निर्माण गरिएको जानकारी दिए । उनका अनुसार कृष्णपुर नगरपालिकाको २ लाख र साझेदार संस्थाहरूको १२ लाख रुपैयाँ लगानीमा कुल १४ लाख ३ हजारको लागतमा शौचालय निर्माण सम्पन्न गरिएको हो।
वर्ल्ड भिजन इन्टरनेशनल नेपाल कञ्चनपुरका जिल्ला संयोजक सुरज शर्माले स्वच्छ र स्वस्थ समाज निर्माणमा शौचालयको महत्वपूर्ण भूमिका रहेको उल्लेख गर्दै निर्माण सम्पन्न संरचनाहरूको सही र सुरक्षित प्रयोग गर्नु सबैको दायित्व भएको बताए ।
विद्यालयका प्रधानाध्यापक गणेशदत्त भट्टले विद्यालय र विद्यार्थीहरूको सर्वाङ्गीण विकासका लागि कृष्णपुर नगरपालिका तथा विभिन्न दातृ संस्थाहरूले निरन्तर साथ दिँदै आएको उल्लेख गरे । उनले शारीरिक, मानसिक तथा बौद्धिक विकासका लागि सरकारी तथा गैरसरकारी संस्थाहरूसँग समन्वय गरिरहेकामा धन्यवाद दिए ।
त्यसैगरी वडा नं। ४ का अध्यक्ष कैलाश बहादुर बलायरले विद्यालयको आवश्यकता र प्राथमिकतालाई ध्यानमा राखी शौचालय निर्माणमा सहयोग पुर्याउने साझेदार संस्थाहरूलाई नगरपालिकाको तर्फबाट आभार प्रकट गरे ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
