नयाँ खबर
महेन्द्रनगर – आन्दोलित सुनचाँदी व्यवसायीहरुले कञ्चनपुर जिल्लामा मोटरसाईकल ¥यालिसहित कोणसभा आयोजना गरेका छन् । शुक्रबार दिउसो २ बजे महेन्द्रनगर बजारको स्मारक चोकबाट ¥याली निकाली बजार परिक्रमापछि मदनचोकमा कोणसभाको आयोजना गरीएको हो । मोटरसाईकल ¥यालि र कोणसभाका लागि जिल्लाका विभिन्न क्षेत्र झालारी, कलवापुरा, पुनर्वास, दोधारा, दैजी, चौवन्नी बजार लगायतका क्षेत्रबाट सुनचाँदी व्यवसायी महेन्द्रनगर बजार आएको सुनचाँदी व्यवसायी संघ कञ्चनपुरका अध्यक्ष तथा आन्दोलन संघर्ष समितिका अध्यक्ष सुरत बहादुर गहतराजले बताए । । कोणसभालाई सुनचादी व्यवसायी महासंघका प्रदेश सभापति सन्तोस लामीछाने, सुनचाँदी व्यवसायी संघ कञ्चनपुरका जिल्ला अध्यक्ष सुरत गहतराज लगायतका नेताहरुले संबोधन गरेका थिए ।
सुनचादी व्यवसायी महासंघका प्रदेश अस्थायी सभापति सन्तोस लामीछानेले आन्दोलन सरकारले लगाएको सुनचादीमा लगाएको विलासिताको दुई प्रतिशत कर, हिरा जस्ता बहुमूल्य धाधुमा लगाईएको १३ प्रतिशत भ्याट, सुनको भन्सार ६ प्रतिशत कायम गर्ने मागराख्दै आन्दोलनमा उत्रेको बताए । सुनचादी व्यवसायी संघ कञ्चनपुरका अध्यष सुरत बहादुर गहतराजले सरकारद्धारा व्यवासयीका माग सम्बोधन नगर्दासम्म अनिश्चितकालिन व्यवसाय बन्द गरी आन्दोलन गर्ने बताए ।
अध्यक्ष सुरत बहादुर गहतराजलगायत व्यवसायीका नेताहरुले कोणसभालाई सम्बोधन गरेका थिए । सरकारले आगामी आर्थिक वर्षका लागि ल्याएको बजेटमा सुनमा लगाएको २ प्रतिशत विलासित र हिरा मोती लगायतका बहुमूल्य धातुको १३ प्रतिशत मूल्य अभिकृत कर हटाउनु पर्ने, सुनको भन्सार कर ६ प्रतिशत राख्नुपर्ने र सुन चाँदी कारोवार ऐन बनाउनुपर्ने लगायतका माग राखेर व्यवसायीहरु आन्दोलित भएका छन् । तर सरकारले भने देशलाई ग्रेलिष्टबाट हटाउनका लागि विलासिताका बस्तुमा सो कर लगाईएको उल्लेख गरेको छ ।
कारोबार ठप्प पारेका उनीहरुले माग सम्बोधन गर्न सरकारलाई दबावका लागि शुक्रबार प्रदर्शन गरेका हुन् । ‘अहिले हामी हाम्रो व्यापार व्यवसाय कारोबार सबै बन्द गरेका छौ, हाम्रो माग पूरा गराउन सरकारलाई दबाव दिँदै आएका छौ, त्यसै क्रममा शुक्रबार जिल्लाभरका व्यवसायी सहभागी भएर बृहत ¥याली आयोजना गरेका छौ’ कञ्चनपुर सुनचाँदी व्यवसायी संघका अध्यक्ष एव जिल्ला संघर्ष समिति संयोजक सुरत बहादुर सुनारले भने ।
सुनमा लगाईएको कर खारेजी सहितका विभिन्न माग राखेर असार १३ गतेदेखि आफ्ना व्यवसाय समेत बन्द गरी आन्दोलन गरीरहेका उनीहरुले जेठ ३० गते बजारमा ¥याली गरी प्रमुख जिल्ला अधिकारीलाई ज्ञापन पत्र बुझाएका थिए । उद्योग बाणिज्य संघ कञ्चनपुरले उनीहरुको आन्दोलनमा ऐक्यवद्धता जनाएको छ । बुधबार एक विज्ञप्ती निकाल्दै उद्योग बाणिज्य संघ कञ्चनपुरले ऐक्यबद्धता जनाएको हो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
