बैतडीबाट पहिलो दिनको एसईई परीक्षामा ८६ प्रतिशत विद्यार्थी सहभागि भए

किरन चन्द,

बैतडी–आज बिहीबारबाट माध्यमिक शिक्षा परीक्षा(एईई) सुरु भएको छ । बैतडी जिल्लाबाट ८६ प्रतिशत विदार्थीले आज भएको एसईई परीक्षामा उपस्थीत अर्थात सहभागि भएका छन् । ५ हजार ३ सय ६२ जना विद्यार्थीले एसईईको परीक्षा फरम भरेको भएता पनि आज भएको पहिलो दिनको परीक्षामा ४ हजार ६ सय ४४ जना विद्यार्थीमात्रै सहभागि भएका हुन् । पहिलो दिनको परीक्षमा ७ सय १८ जना परीक्षार्थी अनुपस्थित भएको शिक्षा विकास तथा समन्वय ईकाई बैतडीका सूचना अधिकारी पुस्कर शर्माले जानकारी दिनुभयो । उनका अनुसार १३ दशमलव ६१ प्रतिशत अनुपस्थित भएका हुन् ।
साधारण तर्फ ४ हजार ९१ जनाले फरम भरेकोमा एक हजार ९ सय ५४ जना छात्र र २ हजार ६६ जना छात्रा गरी ४ हजार २० जना मात्रै परीक्षामा सहभागि भएका छन भने २० छात्र ५१ छात्रा गरी ७१ जना विद्यार्थी अनुपस्थीत भएको सूचना अधिकारी शर्माले बताउनुभयो ।
त्यसैगरी ग्रेडबृद्धिका लागि १ हजार ५५ जनाले फरम भरेको भएता पनि परीक्षामा छात्र १ सय ५९ जना छात्र र २ सय ५० जना छात्रा गरी ४ सय ९ जना मात्रै उपस्थीत भएका छन् भने ३ सय १० जना छात्र र ३ सय ३६ जना गरी ६ सय ४६ जना विद्यार्थी अनुपस्थीत भएका छन् ।
त्यसैगरी प्राविधिक तर्फ २ सय १६ जनाले फरम भरेकोमा एक जना छात्रा मात्रै अनुपस्थीत भएका छन् । बाकि ९३ जना छात्रा परीक्षामा सहभागि भएका छन् ।
साधारणतर्फ ४ हजार ९१ जना र ग्रेड बृद्धिका लागि १ हजार ५५ जनाले फरम भरेका थिए ।
जिल्लाको कृष्ण मावि पाटनमा राखिएको परीक्षा केन्द्रमा नियमित तर्फ एक ९७ जना परीक्षार्थी भएता पनि १ जना विद्यार्थी अनुपस्थित भएको परीक्षा केन्द्रका केन्द्राध्यक्ष विरेन्द्र सिंह केसीले बताउनुभयो ।

उहाँका अनुसार ग्रेडबृद्धिका लागि ११ जना भएकोमा १० जना विद्यार्थी मात्रै परीक्षामा सहभागि भएका हुन् । कुल २०७ विद्यार्थीले परीक्षा दिने भनिएता पनि २०५ जना विद्यार्थीले मात्रै परीक्षा दिएका छन् । २ जना अनुपस्थित रहेको परीक्षा केन्द्रका केन्द्राध्यक्ष केसीले जानकारी दिनुभयो ।