महेन्द्रनगर–कञ्चनपुरको बेदकोट नगरपालिका र भारतीय दुतावासको संयुक्त सहयोगमा उदयदेव माध्यमिक विद्यालयको नयाँ शैक्षिक भवन निर्माण हुने भएको छ । बेदकोट नगरपालिका वडा नं. ९ सुन्दरपुरमा रहेको उदयदेव माध्यामिक विद्यालयमा ५ करोडको पूर्वाधार(भवन) निर्माण गर्न भारतीय दुतावासले विद्यालयको प्रस्तावना समर्थन गरेपछि शैक्षिक भवन निर्माण हुने भएको हो । विद्यालयको ५ करोडको भवन निर्माण गर्न १० प्रतिशत बेदकोट नगरपालिकाले र बाकि भारतीय दुतावासले बेहोर्ने प्रस्तावनामा उल्लेख गरिएको नगरपालिकाले जनाएको छ ।
बेदकोट नगरपालिकाका नगर प्रमुख भोजराज बोहराले नगरका सामुदायिक विद्यालयको स्तर बृद्धिका लागि पूर्वाधार निर्माण गर्न दुताबासमा दुई विद्यालय उदयदेव मावि र शारदा माविको प्रस्तावना पेश गरिएको बताए ।
‘हामीले दुई विद्यालयको प्रपोजल पेश गरेका थियौँ, ‘नगर प्रमुख बोहराले भने, अहिले दुताबासले उद्यदेवको प्रस्तावना स्वीकार गरेको छ ।’ दुताबासको कुल बजेटको १० प्रतिशत नगरपालिकाले समेत हाल्ने मेयर बोहराले बताए । विद्यालय व्यवस्थापन समितिका अध्यक्ष भरत रोकायाले यो प्रकृयामा सहयोग सबै कार्यालयदेखि स्थानीय जनप्रतिनिधिदेखि केन्द्रीय सासदसम्म आभार प्रकट गरेका छन ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
