पप्पु गुरुङ्ग, दोधारा । बाढीले कञ्चनपुरको दोधारा चाँदनी नगरपालिकामा करिब २ सय ६६ दशमलव २६ हेक्टरमा लगाईएको अन्नबाली नष्ट गरेको छ् । दोधारा चाँदनी नगरपालिका कार्यालय विपद् शाखा कार्यालयको तथ्यांकमा करिब २ सय ६६ दशमलव २६ हेक्टरमा किसानहरुले लगाएको अन्नबाली नष्ट भएको उल्लेख छ् । दोधारा चाँदनी नगरपालिकामा गएको २४ र २५ गते आएको अबिरल वर्षा संग महाकाली नदी र जगबुडा नदीको बाढीले नगर क्षेत्रमा किसानहरुले लगाएको धान, मकै, दलहन वाली, उखु खेती, तरकारी खेतीमा ठुलो क्षती बनाएको दोधारा चाँदनी नगरपालिका कार्यालय विपद् शाखा कार्यालयका शाखा प्रमुख रघुनाथ भट्टले जानकारी दिनुभएको छ् ।
दोधारा चाँदनी नगरपालिका क्षेत्रमा किसानहरुले लगाएको ३६ सय हेक्टर जग्गामा धान, मकै, दलहन वाली, उखु खेती, तरकारी खेती रहेको र त्यस मध्ये बाढीले करिब २ सय ६६ दशमलव २६ हेक्टर जग्गाको अन्नवाली नष्ट गरेको दोधारा चाँदनी नगरपालिका कार्यालय विपद् शाखा कार्यालयका शाखा प्रमुख रघुनाथ भट्टले बताउनुभएको छ् । दोधारा चाँदनी नगरपालिकाले सहयोगको लागी सबै ठाँउमा आह्वान गरेको उहाँले बताउनुभएको छ् ।
दोधारा चाँदनी नगरपालिका– ३, ६, ७, ८, ९ र १० वडाहरुमा बाढीले धेरै क्षति गरेको पूर्ण विवरण नगरपालिका कार्यालय विपद् शाखा कार्यालयको तथ्यांकमा समाहित भईसकेको छ् । किसानले घरमा भण्डारण गरेको खाद्यान्य र बीउ समेत बाढीले बगाएपछि बिचल्ली भएको छ् । यसपालि समयमा बीउ उपलब्ध हुन नसके हिउदे बालीलाई ठूलो समस्या हुने किसाानहरुले बताएका छन् ।
यसका लागि समयमै सरकारले पिडित किसानलाई बिशेष राहत दिनुपर्ने उनीहरुको भनाई रहेको छ् । बाढीबाट पीडित किसान यस वर्ष उत्पादनमा ठूलो हस आउनेमा चिन्तित छन् । सबैभन्दा बढी क्षति भएको वडाहरुमा वैकल्पिक खेतीका लागि योजना बनाउनु पर्ने जानकारहरुको भनाई रहेको छ् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
