सुनापति गाउँपालिकाको डोजर हिसाब गाउँपालिका आफै स्पष्ट छैन : लाखौं अनियमितता

रामेछाप जिल्ला सुनापति गाउँपालिकामा लामो समयदेखि जनताको चासो गुनासोको विषय जे. सि. बि. (ब्याक हो लोडर) को आयव्याय खर्च विवरण सार्बजनिकको प्रस्ताब जनतालाई अझै झुक्याएर पन्छिन खोज्दै छ ।

गत फागुन ६ गते सुनापति गाउँपालिकाले एक सुचना प्रकाशन गर्दै गाउँपालिकामा चलिरहेको डोजर भाडामा दिने निर्णय गरेको थियो ।त्यस सुचना प्रकाशन हुनु लगतै स्थानिय युवा हिक्मत थिङले गाउँपालिकामा हालसम्म जे. सि. बि. (ब्याक हो लोडर) चल्दा भएको आयव्याय खर्च विवरण र मर्मत खर्च विवरण सार्बजनिक गरेर मात्र भाडामा दिने भनि निवेदन पेश गरिएको थियो र गाउँपालिकाको प्रमुख प्रशासकीय अधिकृत कमलराज श्रेष्ठले फाल्गुन २६ गते अन्तिम समय लिएर १ हप्तामा उपलब्ध गराउने भनिएको थियो । तर आज सम्म सहि तथ्य उपलब्ध नगराएको भन्दै आम जनताको आक्रोश छ।

गाउँपालिकाले डोजर चलाएको समयमा भरपाई गर्दा न मिति नै छ न हिसाब नै मिलेको छ । थिङले गाउँपालिकाबाट उपलब्ध गराएको तथ्याङ्कमा पनि हिसाब लापरवाही रहेको र आफ्नै मनोमानिमा दर रेट निर्धारण गरि चलाईरहेको छ भने, आयव्यायमा अनियमितता भएको पुष्टि समेत गरेको छ । गाउँपालिकाले आयव्याय खर्च बिवरण समेत रेकर्ड नगरी अनियमित ढंगले गाउँपालिका चलाईरहेको छ । उक्त खर्च विवरण सार्वजनिक गर्न यस अघि रहेको कर्मचारीहरु सम्पर्कमा नआएसम्म उपलब्ध नहुने र जनतालाई ५ वर्षसम्म अझै झुक्याउदै दु:ख दिने गरेको छ ।

एक सेवाग्राहीले सुनापति न्युज डटकमसँग भने, मैले पनि डोजर प्रयोग गरे वापत रकम तिरेको थियो तर मेरो भरपाईमा नाम नै नराखि मैले बुझाएको पैसा कसले चलायो ? भन्दै आक्रोश जनाएको छ । यस विषयमा थिङले सुनापति न्युज डटकमसँग बोल्दै अब निर्बाचनको चपेटा देखाएर जनप्रतिनिधि देखि कर्मचारी सम्मको सेटिङ्गमा यस बिषय ढाकछोप तिर जुटेको छ । यस बिषयमा जनतालाई स्पष्ट पार्न अदालत नै धाउने तयारीमा जुटेको जानकारी दिनुभयो ।