पत्रकार महासंघले गर्यो पूर्व अध्यक्षसहितका पत्रकारलाई सम्मान, कोको भए सम्मानित ?

महेन्द्रनगर – नेपाल पत्रकार महासंघ कञ्चनपुर शाखाले पूर्व अध्यक्ष सहितका पत्रकारलाई सम्मान गरेको छ । मंगलबार २२ औं साधारण सभाको अवसरमा पत्रकार महासंघ कञ्चनपुरले पूर्व अध्यक्ष युवराज घिमिरे, लक्ष्मण तिवारी, बिष्णु अवस्थी, माधव धामीलाई सम्मानित गरेको छ ।

त्यसै गरी युवा पत्रकारिता र सशक्त पत्रकारिता विधामा पनि ४/३ जना पत्रकारलाई सामान गरेको छ । युवा पत्रकारिता पुरस्कार राजेन्द्र बिष्ट, बल बहादुर डगौरा, राजेन्द्र  पनेरु र हरीश चन्द्र बाग एबं सशक्त पत्रकारिता पुरस्कार भवानी भट्ट, शेर बहादुर सिंह र दुर्गा उपाध्यायलाई प्रदान गरिएको छ ।
त्यसैगरी महाकाली समाचार केन्द्रका सञ्चालक नारायण चन्दलाई पत्रकारिता क्षेत्रमा विशेष सहयोग पुर्याएको भन्दै सम्मान गरेको छ ।
पत्रकार कल्याणकारी कोष स्थापना गर्न सहयोग गर्ने कञ्चनपुर उद्योग बाणिज्य संघ र उद्योग व्यापार परिसंघ कञ्चनपुरलाई पनि सम्मान पत्र प्रदान गरिएको छ । त्यसै गरी भीमदत्त नगरपालिका र कृष्णपुर नगरपालिका लाई पनि सम्मान पत्र दिएको छ । त्यसैगरी पूर्व मातृ भासा पत्रकारिता सम्मान बिर बहादुर चन्द विश्रामलाई प्रदान गरिएको छ ।