जनज्योति सेकेन्डरीका विद्यार्थीले बनाएका रोबर्टबीच फुटबल प्रतियोगिता

महेन्द्रनगर – जनज्योति सेकेन्डरी स्कुलले विद्यार्थीहरुको नविनतम प्रविधिसंग सिकाई कार्य गराउन तीन दिने छुकछुके रोबोट निर्माण कार्य सम्बन्धि तीन दिने कार्यशाला गरेको छ ।

गोदावरी आविष्कार केन्द्रको सहकार्यमा तीन दिन सम्म गरिएको उक्त कार्यशालामा जनज्योतिका ३० जना विद्यार्थी सहभागी भएका छन् । उनीहरुले रोबर्ट बनाउन, त्यसमा कोडिङ गर्न सिकेका छन् ।

विद्यालयका प्रिन्सिपल सुरेन्द्रराज जोशीले विद्यार्थीलाई नविनत प्रविधिसंग जोडेर सिकाई कार्य गराउन कार्यशाला गरिएको बताए ।

‘यो एक प्रकारको नविनतम प्रविधिसित विद्यार्थीहरुको सिकाई कार्य हो’ प्रिन्सिल जोशीले भने,‘यसमा रोबोट कसरी बन्छ, यसको प्रोग्राम कसरी सेट हुन्छ, त्यसले कसरी काम गर्छ भन्ने सबै जानकारी थाह पाएर रोबोट निर्माण गरी समापनमा उनीहरूले निर्माण गरेका रोबर्ट बीच फुटबल प्रतियोगिता नै गरियो ।’

कार्यशालाले विद्यार्थी आफैंले आफैलाई चिन्न मौका पाएको र चौतर्फी विकासमा सहयोगी हुने समेत उनले बताए । ‘यो विद्यार्थीको चौतर्फी सिर्जनात्मक विकासका लागि आवश्यक हुन्छ’ उनले भने ।

गोदावरी आविष्कार केन्द्रका सञ्चालक इन्जिनियर किरण भट्ट र प्रमुख कार्यकारी अधिकृत (सिइओ) रामशेर साउँदले कार्यशालामा सहजीकरण गरे ।

सिइओ साउँदले विद्यार्थीहरुको अहिलेको नवितन प्रविधिसंग जोडिनु पर्ने अपरिहार्यता भएको र उनीहरु के चाहन्छन् त्यसका कारण पठनपाठन गरिनु पर्ने बताए ।

दुई वर्ष अघि गोदावरी आविष्कार केन्द्र सञ्चालनमा ल्याइएक उनले विज्ञान, प्रविधि, इन्जिनियरिङ्ग, कला र गणितलाई एकसाथ सिकाउने लक्ष्यका साथ आविष्कार केन्द्र सञ्चालन गरिएको उनी बताए ।

कार्यशाला समापनमा विद्यार्थीहरुसंगै अभिभावक पनि सहभागी भए । समापनमा विद्यार्थीहरुले आफैले बनाएका रोबोटबीच फुटबल प्रतिस्पर्धा गरे ।
जनज्योति एजुकेशनल फाउण्डेशनका अध्यक्ष माधव प्रसाद जोशी, बुद्धिजीवि एबम् शिक्षा अधिकारी रामदत्त भट्ट लगायत समापनमा सहभागी थिए ।

शिक्षा अधिकारी भट्टले अहिलेको शिक्षा सूचना प्रविधिसंग सम्बन्धित हुनु पर्ने बताए । विद्यालयले नविनतम प्रविधिसित विद्यार्थीलाई जोड्ने आयोजना गरेको कार्यशाला नमूना अभ्यास भएको उनले उल्लेख गरे ।
समापनमा सहभागी विद्यार्थीलाई प्रमाण पत्र प्रदान गरियो । सहभागीमध्ये प्रतिक जोशी, प्रज्वल चन्द, आभाष जोशी लगायतले आफ्नो अनुभव सुनाए ।

विद्यालयका प्रिन्सिपल जोशीले आगामी दिनमा नविनतम प्रविधिसंग सम्बन्धि विषयमा कार्यक्रम गर्दै जाने र कार्यशालालाई निरन्तरता दिइने बताए ।