निङ्गलाशैनी बहुउद्देश्यीय सहकारीका सदस्यको ऋण आईएमई ईन्सुरेन्सबाट दाबीभुक्तान

महेन्द्रगनर–कञ्चनपुर जिल्लाको निङ्गलाशैनी बहुउद्देश्यीय सहकारी संस्था लि.ले सिटिजन्स ईन्सुरेन्स कम्पनी तथा आईएमई ईन्सुरेन्स कम्पनीको सहकार्यमा आफना सदस्यहरुको नियमिति रुपमा ऋणको विमा गर्ने गरेको छ । सहकारीले नियमित ऋणको माग र निकासीका क्रममा ऋणको म्यादी विमा गर्ने गरेको हो । यदि ऋण लिएका सदस्यको केहि कारणबस मत्यू भएमा घरपरिवारलाई ऋणको बोझ नपर्ने फाईदा हुन्छ । निजको ऋण विमा कम्पनीबाट दावी भुक्तानी गरीने हुँदा सबै ऋणीको अनिवार्य रुपमा म्यादी विमा गर्ने गरेको सहकारीले जनाएको छ ।
सहकारीले ऋणको म्यादी विमा गरेकै कारण भिनपा वडा नं. ४ बैजनाथ टोलनिवासी हरिदत्त मडैको मृत्यू हुँदा निजको नाममा रहेको ऋण रकम रु एक लाख अन्ठानब्बे हजार आईएमई ईन्सुरेन्स कम्पनीले निजका श्रीमती भागरथी देवी मडैलाई हस्तान्तरण गरीएको छ । सहकारीले म्यादी लोन विमा गरेका कारण सहकारीका सदस्य मडैको मृत्यूपश्चात उनका घरपरिवारलाई आर्थिक भार पर्नबाट जोगिएको सहकारीले जनाएको छ । उक्तरकम सदस्य मृतकका श्रीमति भागराथी देवी मडै लाई हस्तान्तरण गरिएको हो ।
संस्थाकी प्रबन्धक बविता चन्द बमले एक समारोहका विच संस्थाको केन्द्रिय कार्यालयमा मडैलाई चेक हस्तान्तरण गरेकी छन् ।