कञ्चनपुर उद्योग बाणिज्य संघको निर्वाचन कार्यतालिका सार्वजनिक, पुस १२ गते उम्मेदवारी दर्ता

महेन्द्रनगर । कञ्चनपुर उद्योग बाणिज्य संघको १८ औं कार्य समिति निर्वाचनका लागि निर्वाचन कार्यक्रम सार्वजनिक गरीएको छ । निर्वाचन समितिले पुष १९ गते हुने १८औ कार्यसमिति निर्वाचनका लागि मंगलबार निर्वाचन कार्यतालिका सार्वजनिक गरेको हो। निर्वाचन कार्यक्रम अनुसार पुस ८ गते मतदाता नामावली सार्वजनिक हुनेछ । त्यसैगरी ९ गते ११ बजेदेखि २ बजेसम्म मतदाता नामावलीमा दाविविरोध समय दिईएको छ भने पुष १० गते १ बजे अन्तिम मतदाता नामावली प्रकाशित गरीनेछ । त्यसैगरी १२ गते १० बजेदेखि ३ बजेसम्म उम्मेदवारको मनोनयन दर्ता समय हुनेछ ।
संघको नयाँ कार्य समितिका लागि अध्यक्ष सहित १६ पदका लागि निर्वाचन हुने संघका कार्यकारी अधिकृत हेमराज भट्टले बताए । त्यसमा अध्यक्ष १, वरिष्ठ उपाध्यक्ष १, उद्योग उपाध्यक्ष १, बाणिज्य उपाध्यक्ष १, महासचिव १, सचिव १, कोषाध्यक्ष, कार्य समिति सदस्य ७ र संस्थागत सदस्य १ छन् ।

संघमा निर्माण व्यवसायी संघ कञ्चनपुर, नेपाल औषधि व्यवसायी संघ, होटल व्यवसायी संंघ कञ्चनपुर, हार्डवेयर तथा निर्माण व्यवसायी संघ र नेपाल वन पैदवार उद्योग व्यवसायी संघ कञ्चनपुर संस्थागत सदस्य छन् ।
त्यसैगरी कार्यतालिका अनुसार सोहि दिन ५ बजे उमेदवारी मनोनय दर्ता गरेका उम्मेदवारहरुको नामावली प्रकाशन गरीने छ । पुष १३ गते विहान १० बजेदेखि १२ बजेसम्म उम्मेदवार विरुद्ध दावि विरोधको समय दिईएको छ भने सोहि दिन १२ बजेदेखि ३ बजेसम्म दाविविरोध उपर जाँचबुझको समय तय गरीएको छ । सोहि दिनको ५ बजे उम्मेदवारको दोस्रो नामावली प्रकाशितको कार्यतालिका रहेको छ ।
पुष १४ गते विहान १० बजेदेखि ३ बजेसम्म उम्मेदवारी फिर्ताको समय दिईएको छ भने ५ बजे उम्मेदवारको अन्तिम नामावली प्रकाशित गरीने निर्वाचन कार्यतालिका छ ।

पुष १९ गते विहान ८ बजेदेखि दिउसो ४ बजेसम्म मतदानको समय तोकिएको छ । मतगणना पुष २० गते विहान ९ बजेबाट मात्र गरीने छ । मतपरिणाम मतगणना सकिएलगत्तै गरीने निर्वाचनमण्डलले जानकारी दिएको छ ।

संघका दुई हजार एक सय २१ सदस्यले निर्वाचनमा मतदान गर्न पाउने भएका छन् । १७ औं कार्य समिति निर्वाचन भन्दा मतदाता संख्या कम हो ।
संघले निर्वाचनका लागि वरिष्ठ अधिवक्ता पूर्ण बहादुर चन्दको नेतृवमा निर्वाचन समिति बनाएको छ । समितिमा अधिवक्ताद्धय प्रकाशराज पाठक र एकराज भट्ट सदस्य छन् ।