नेकपा(एमाले) कञ्चनपुरद्धारा ११औ महाधिवेशन प्रतिनिधिलाई प्रमाण पत्र वितरण

Advertisement

महेन्द्रनगर – एमाले पार्टी कार्यालयमा ११ औं महाधिवेशनका लागि कञ्चनपुरबाट निर्वाचित प्रतिनिधिलाई प्रमाण पत्र प्रदान गरिएको छ । एमाले केन्द्रीय सदस्य सहित जिल्ला पदाधिकारीलगायत सहभागी कार्यक्रममा उनीहरुलाई निर्वाचन समितिहरुले प्रतिनिधिको प्रमाण पत्र प्रदान गरेको छ ।
एमालेको ११ औं महाधिवेशनका लागि कञ्चनपुरका तीन निर्वाचन क्षेत्र र दलित क्लष्टरबाट १६ जना निर्वाचित भएका छन् । कञ्चनपुर जिल्लाबाट निर्वाचित बाहेक केन्द्रीय कमिटी, मजदुर, विभाग सहितका गरी २७ प्रतिनिधि महाधिवेशन प्रतिनिधि जानेछन् ।
एमाले कञ्चनपुरका उपाध्यक्ष एबम् प्रचार विभाग प्रमुख जनकराज अवस्थीले सबै क्षेत्र र दलित क्लष्टरका प्रतिनिधिलाई प्रमाण पत्र वितरण गरिएको बताए ।
कार्यक्रममा एमाले पोलिटब्युरो सदस्यद्वय निरुदेबी पाल, राजेन्द्र सिह रावल, केन्द्रीय सदस्यहरु नर बहादुर धामी, कृपाराम राना लगायतका नेता सहभागी भएका छन् ।
कञ्चनपुर निर्वाचन क्षेत्र नम्बर १ बाट खुलातर्फ पल्लबराज भट्ट र वीरबहादुर थापा निर्वाचनमार्फत प्रतिनिधि चयन भएका थिए । भने महिलातर्फ कमला चौधरी र कल्पना गिरी निर्वाचनबाट प्रतिनिधि चयन भएका छन् । युवामा काशीराम बोहरा निर्वाचन बाट छनौट भएका छन् ।
यसैगरी, निर्वाचन क्षेत्र नम्बर २ बाट खुलातर्फ रणबहादुर महरा र बचन बहादुर सिंह, महिलातर्फ लक्ष्मी बुढा र पार्वती जोशी, युवा तर्फ प्रविन बोगटी प्रतिनिधिमा सर्वसम्मत छनौट भएका थिए ।
कञ्चनपुर निर्वाचन क्षेत्र नम्बर ३ बाट खुलातर्फ डा. दीपक प्रकाश भट्ट र जनकराज अवस्थी, दलित तर्फबाट आरपी सार्की, युवा तर्फ ओम बस्नेत निर्वाचनबाट महाधिबेसन प्रतिनिधि छनौट भएका छन । महिलातर्फ चिनि गिरी, दलित महिलामा लक्ष्मी विक सर्बवसम्मत छनौट भएका थिए ।

निर्वाचन क्षेत्र नं. २ बाट सबै प्रतिनिधि सर्वसम्मत निर्विरोध भएका छन् । क्षेत्र नं. ३ मा महिला बाहेक खुला र युवा निर्वाचनबाट निर्वाचित भएका छन् ।नेकपा एमालेले काठमाडौँमा यही मङ्सिर २७ देखि २९ गते सम्म पार्टीको ११ औँ महाधिवेशन गरीरहेको छ ।