यू १४मा बेलडाँडीको सरस्वती मावि झर्नासागर जिल्ला च्याम्पियन

विकास सिह महता, महेन्द्रनगर – नेपालकै सम्भावित सबै भन्दा अधिक टिमको सहभागितामा पश्चिम नेपाल कञ्चनपुरमा एन्फा यू–१४ फुटबल प्रतियोगिता सम्पन्न भएको छ ।
एन्फा यू–१४ छात्रा/छात्र फुटबल छनौटका लागि ६२ टिममा सामुदायिक तथा संस्थागत विद्यालयका छात्र ४९ र १३ छात्रा टिम बिच रोमाञ्चक प्रतिस्पर्धामा एन्फा यू–१४ फुटबल प्रतियोगिता सम्पन्न भएको हो ।,
छात्र तर्फ बेलडाँडीको सरस्वती मा.बि झरनासागर र छात्रा तर्फ जीवन ज्योति माध्यमिक पुनर्वास जिल्ला च्याम्पियन बनेका छन ।
संभावित नेपालकै सबै भन्दा अधिक टिमको सहभागितामा कञ्चनपुर जिल्लामा एन्फा यू–१४ छात्र/छात्रा अन्तरविद्यालय स्तरीय फुटबल प्रतियोगिता ०८२ एक कार्यक्रमका साथ सम्पन्न भएको छ। अखिल नेपाल फुटबल संघ (एन्फा) को वार्षिक कार्यक्रम अनुसार कञ्चनपुर जिल्ला फुटबल संघले आयोजना गरेको एन्फा यू–१४ छात्र/ छात्रा फुटबल प्रतियोगिताले उच्च शिखर चुम्न सफल एक इतिहास बन्न पुगेको हो।
कञ्चनपुर जिल्लाले फुटबल क्षेत्रमा पछिल्लो समयमा एकाएक इतिहास रच्ने कार्यको थालनी गरेको छ। जिल्लाका पाँच क्षेत्रमा एन्फा यू–१४ छात्र / छात्रा अन्तरविद्यालय स्तरीय फुटबल प्रतियोगिताका– २०८२ का लागि सामुदायिक तथा संस्थागत विद्यालयका ६२ टिम बिच प्रतिस्पर्धा भएको थियो। जसले जिल्ला भरी नै फुटबलको महाकुम्भ चलेको थियो।
जिल्लामा एन्फा यू–१४ छात्रा/ छात्र विद्यालय स्तरीय फुटबल प्रतियोगिता जिल्लाका पाँच क्षेत्रमा सञ्चालन गरेको थियो। अखिल नेपाल फुटबल संघ (एन्फा) को कार्यक्रम अनुरुप कञ्चनपुर जिल्ला फुटबल संघको आयोजनामा जिल्लाका पाँच क्षेत्रमा एन्फा यू–१४ छात्र / छात्रा विद्यालय स्तरीय फुटबल प्रतियोगिताका २०८२ का लागि सामुदायिक तथा संस्थागत विद्यालयका ६२ टिम बिच प्रतिस्पर्धा हुने कञ्चनपुर जिल्ला फुटबल संघका महासचिव नितेश रावलले बताए ।
जिल्लामा सञ्चालन भएको उक्त प्रतियोगिता विभिन्न पाँच क्षेत्रमा चलेको थियो। जसमा पुनर्वास नगरपालिका क्षेत्रमा १७ छात्र, ६ छात्रा गरि २४ टिम, कृष्णपुर नगरपालिका क्षेत्रमा छात्र १२, छात्रा ३ गरि १५ वटा टिम, बेल्डाँडी गाउँपालिका क्षेत्र ६ छात्र वटा टिम, भीमदत्त नगरपालिका क्षेत्र छात्र ८, छात्रा ४ टिममा भीमदत्तका २ र दोधाराका २ छात्रा टिम गरि १२ वटा टिम र दोधारा चाँदनी नगरपालिका क्षेत्रमा ६ छात्र टिमको सहभागिता रहेको थियो।
प्रतियोगिताका खेलहरु लिक कम नक आउट आधारमा सञ्चालन भएका थिए। जसमा प्रतियोगिता भरि १ सय १३ म्याच खेलाइएको यो एक इतिहास नै हो। उक्त प्रतियोगिता २०८२ कार्तिक २५ देखि मंसिर २ गतेसम्म जिल्लाका पाँच क्षेत्र बेल्डाँडी गाउँपालिका, पुनर्वास नगरपालिका, कृष्णपुर नगरपालिका, भीमदत्त नगरपालिका र दोधारा चाँदनी नगरपालिकामा खेलहरु सञ्चालन गरि दोस्रो चरणका खेल कृष्णपुर नगरपालिका वडा नं.०२ मछेली खेलमैदानमा सञ्चालन गरिएका थिए। उक्त खेलमैदानमा फाइनल संगै कार्यक्रम भब्यताका साथ सम्पन्न गरेको छ।
कार्यक्रममा कञ्चनपुर जिल्ला फुटबल संघका अध्यक्ष गणेश बहादुर चन्दको सभापतित्वमा कृष्णपुर नगरपालिका नगर प्रमुख हेमराज ओझाको प्रमुख आतिथ्यतामा सम्पन्न भएको हो। कृष्णपुर नगरपालिका वडा नं.०२ का वडा अध्यक्ष अर्जुन सिंह साउँद, एन्फा प्रशिक्षक पुष्कर शाही खेलाडी खेलप्रेमी कञ्चनपुर जिल्ला फुटबल संघका पदाधिकारी सदस्य, विभिन्न विद्यालयका पदाधिकारी लगायतको उपस्थिति रहेको थियो।
प्रतियोगितामा छात्रा तर्फ सरस्वती माध्यमिक विद्यालय कृष्णपुर नगरपालिका वडा नं.०२ र जीवन ज्योति माध्यमिक विद्यालय बिच भएको फाइनल खेलमा ४–० गोलको अन्तरले सरस्वती माध्यमिक विद्यालयलाई हराउदै छात्रा तर्फको उपाधी जीवन ज्योति माध्यमिक विद्यालयले हात पारेको छ।
छात्र तर्फ सरस्वती माद्यामिक विद्यालय झरनासागर बेल्डाँडी गाउँपालिका वडा नं.०१ र सन्लाइट पब्लिक स्कुल कृष्णपुर नगरपालिका –०२ वाणी बिचको रोमाञ्चक फाइनल खेलमा १–१ गोलको बराबरी संगै पेनाल्टी सुट आउटमा ४–४ गोलले बराबरी संगै सटनदेथमा सन्लाइट पब्लिकलाई हराउदै सरस्वती माध्यमिक विद्यालय झरनासागर बेल्डाँडी गाउँपालिका वडा नं. ०१ ले उपाधी उचाल्नुका साथै जिल्ला च्याम्पियन बनेको छ। सरस्वती माविका खेल शिक्षक धन बहादुर रावतले जितसंगै खेलकुदमा बेलडाँडीका खेलाडीले राम्रो प्रर्दशन गरेको बताए । छात्र / छात्रा तर्फका जिल्ला च्याम्पियन सरस्वती माध्यमिक विद्यालय झरनासागर र जीवन ज्योती माध्यमिक विद्यालय पुनर्वासले प्रदेशको यात्रा तय गरेको छ।
खेलकुद क्षेत्रको बिकासमा निरन्तरता संगै कञ्चनपुर जिल्ला फुटबल संघले जिल्लामा एक इतिहास रच्दै एकाएक फुटबलको महाकुम्भ सम्पन्न गरेको छ। सहर केन्द्रित खेलकुद लाई गाउँ केन्द्रित फुटबल माहोल बनाउन सफल भएको छ।