नयाँ खबर
महेन्द्रनगर–लोक सेवा आयोगका पूर्व अध्यक्ष उमेश प्रसाद मैनालीलाई सामान्य प्रशासन मन्त्रीको जिम्मेवारी दिन राष्ट्रसेवक कर्मचारी अनिल चन्दले प्रधामन्त्रीलाई चिठिमार्फत अनुरोध लेखेका छन् । सामान्य प्रसासन मन्त्रालयमा अनुभवि, दक्ष र ईमान्दार व्यक्तित्वको आवश्यकता पर्ने कुरा उल्लेख गर्दै चन्दले सोमबार सामान्य प्रशासन मन्त्रीको जिम्मेवारी लोकसेवा आयोगका पूर्व अध्यक्ष मैनालीलाई दिन उपयुक्त हुने सल्लाहसहित अनुरोध गरेका हुन् । लोक सेवा आयोग महेन्द्रनगरका कम्प्युटर अपरेटर अनिल चन्दले आयोग अध्यक्ष मैनालीसंग सुशासन प्रशासन बनाउन थुप्रै अनुभव भएका कारण मन्त्री बनाउदा मन्त्रालयको गरीमा र प्रभावकारी बढ्ने पत्रमा उल्लेख गरेका छन् । मैनालीले लोक सेवा आयोगको अध्यक्ष हुदा आयोगको व्यवस्थापनदेखि लिएर सुशासन, प्रबद्धन, पारदर्शिता र दक्ष प्रशासनिक संरचना निर्माणमा महत्वपूर्ण योगदान गरेको कुराले सामान्य मन्त्रालयको नेतृत्वमा विश्वास गर्न सकिने भन्दै सामान्य मन्त्रालयको जिम्मेवारी मैनालीलाई दिन चन्दले पत्रमा विनम्र आग्रह गरेका छन् ।
भाद्र २३ र २४ गतेको जेनजी आन्दोलनले नेकपा एमाले अध्यक्ष केपी शर्माओली नेतृत्वको सरकारलाई ढलाएको थियो । त्यसपछि राष्ट्रपति रामचन्द्र पौडेल संविधानको धारा ६१ लाई प्रयोग गरी पूर्व प्रधान न्यायाधिस सुशिला कार्कीलाई प्रधानमन्त्रीमा नियुक्त गरेका थिए । त्यसपछि दलरहित, स्वस्छ, दक्ष व्यक्तिलाई मन्त्री बनाउदै अगाडि बढेकी प्रधामन्त्रीलाई विभिन्न व्यक्तित्वलाई मन्त्री बनाउन फोन, चिठि, ईमेल आईरहेको हेलो प्रधानमन्त्री कार्यालयले जनाएको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
