महेन्द्रनगर–स्रोत नखुलेको ठुलो परिमाणमा नेपाली रुपयाँका नोटसहित एक जना पक्राउ परेका छन् । नेपालको कञ्चपनुर जिल्लाको गड्डाचौकी नाकासंग जोडिएको भारतिय नाका बनवासामा भारतिय सुरक्षा बल एसएसविले भारतबाट नेपालतर्फ आईरहेका भारतीय एक जनालाई ७८ लाख नेपाली रुपयाँ सहित पक्राउ गरेको हो ।
आईतबार ५७ वाहिनी सशस्त्र सिमा बल बनबसा चौकीका निमित्त बाहिनी कमाण्डर दिपक सिंह जयाडाको निर्देशनमा कडा सुरक्षाका साथ निगरानी राखिएको बनवासाको टिमलेअन्तराष्ट्रिय चेकपोष्टमा परिक्षणको क्रममा ७८ लाख नेपाली रुपयाँ सहित भारतको चम्पावत जिल्ला बनबसा मिना बवार बस्ने रजा अन्सारीका छोरा ३२ बर्षिय सलमान अन्सारीलाई पक्राउ परेका हुन् । विशेष सूचनाका आधारमा अन्सारीले चलाएको मारुति अर्टिगा ग्पयघत्ब्द्दण्द्दज्ञ को खानतलासि गर्दा उक्त रकम बराबरको नेपाली नोट फेला परेका छन् । भारतिय सिमा सुरक्षाबल एसएसविले सिमानाकामा हुने अपराधिक क्रियाकलाप नियन्त्रण गर्न सिमा नाकामा कडा निगरानी राखेको छ ।
एसएसबीले सोधपुछ गर्दा सलमान अन्सारीले नेपाली ७८ लाख रुपैया कुनै व्याक्तिलाई दिन गईरहेको र कसलाई दिने र कुन प्रयाृजनको लागि,कहाँ बाट ल्याएको भन्ने अनसुन्धानमा नखुले पछि एसएसबीले सो ७८ लाख नेपाली रुपैया जफत गरेको छ । एसएसबीले घटनाको थप अनुसन्धानको लागि कस्टम विभाग बनबसा पठाएको छ ।
बनबसाका सहायक कमाडेट दिनेश यादवले यो घटना केवल सिमावर्ती क्षेत्रमा हुने अपराधिक गतिविधिको गम्भीरता मात्र नजनाउने भन्दै ,बरु सिमापारर निरन्तर रुपमा उच्च स्तरको पेशेवर दक्षता र राष्ट्रप्रतिको समर्पणको प्रमाण भएको बताए । उक्त अभियामा निरीक्षक लाचन्द, सहायक उपनिरीक्षक जयपाल, मुख्य आरक्षी सालिन तथा आरक्षी सोलंकीको भूमिका अत्यन्त प्रशंसनीय रहेको छ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
