कलुवापुरकी इन्नरी दमाई जीवन र मृत्युको दोसाँधमा, सहयोगको हात खोज्दै मिडियामा
हेमा भट्ट
महेन्द्रनगर—कृष्णपुर नगरपालिका–७ स्थित कलुवापुरकी इन्नरी दमाई लामो समयदेखि 'ब्लड क्यान्सर' (रक्त क्यान्सर) जस्तो घातक रोगसँग जीवन र मृत्युको संघर्ष गरिरहेकी छन्। शरीरले भोग्न नसक्ने पीडा, आर्थिक अभाव र परिवारको बोझको बीचमा इन्नरी दमाईको जीवन अन्धकारमा डुबिरहेको छ।
इनरीका श्रीमान् मनि राम दमाई भन्छन्, “शरीर उपचार चाहन्छ, मेरा छोरी–छोराको भविष्य सोचेर तड्पन्छ। तर, खाली हातले हामीले के नै गर्न सक्छौं र?” ६ जनाको परिवारमा एक छोरा र तीन छोरीहरू छन्, जसको आशामा इननरीले बाँच्ने साहस संकलन गर्दै आएकी छन्। तर दिनदिनै उनको स्वास्थ्य गम्भीर बन्दै गएको छ।
घरको आर्थिक अवस्था नाजुक छ। दैनिक गुजारा गर्न पनि हम्मेहम्मे पर्ने परिवारका लागि क्यान्सरको महँगो उपचार सम्भव नभएकोले अन्ततः मिडियामार्फत देश–विदेशमा रहेका नेपाली दाजुभाइ तथा दिदीबहिनीहरूमा सहयोगको याचना गर्न बाध्य भए...
