महेन्द्रनगर – कञ्चनपुर जिल्लामा पनि १३७ औ मजदुर दिवस मनाईएको छ । शुक्रबार महेन्द्रनगरमा बजारमा ¥याली प्रदर्शन तथा कोण सभा गरी मजदुरका विभिन्न संघ संगठनहरुसहित सरकारी गैर सरकारी संस्थाहरुले अन्तराष्टिय मजदुर दिवस मनाएको हो ।
नेपाल ट्रेड युनियन कांग्रेस, नेपाल ट्रेड यूनियन महासंघ, अखिल नेपाल ट्रेड युनियन महासंघ र समाजवादी ट्रेड युनियन महासंघ नेपालले संयुक्तरुपमा कार्यक्रम गरेका छन् ।
उनीहरुले महेन्द्रनगरको गल्ली नं. १ बाट ¥यालि निकालेर बजार परिक्रमा गरी स्मारकमा कोण सभा गरी श्रमीक दिवस मनाएको छ । नेपाल ट्रेड युनियन कांग्रेस कञ्चनपुरका अध्यक्ष मालति पन्त, नेपाल ट्रेड यूनियन महासंघ(जिफन्ट) अध्यक्ष भोज सिंह ऐर, अखिल नेपाल ट्रेड युनियन महासंघ जिल्ला ईञ्चार्ज पदम राज जोशी र समाजवादी ट्रेड युनियन महासंघ नेपाल जिल्ला अध्यक्ष प्रितम सिले मजदुर दिवसको र बुद्ध जयन्तीको अवसरमा शुभकामना व्यक्त गर्दै मजदुरका हकअधिकारमा सरकार चुकेको बताए ।
उनीहरुले नेपाल सरकारको ट्रेड युनियन खारेज गर्ने निर्णयको घोर आपत्ति जनाउदै श्रमीकको मौलिक हक, श्रमि रोजगारीको ग्यारेन्टी गरीनुपर्ने, मजदुरलाई समाजिक सुरक्षा कोषमा आवद्ध गराईनुपर्ने, घरवास विहिन सुकुम्बासी मजदुरको सुरक्षित आवासको व्यवस्था गरिनुपर्ने, देशभरी सुकुमवासी मजदुरको झुपडिमा डोजर आतंक बन्द गरी छानविन गरी न्यायोचित व्यवस्थापन गरिनपर्ने कुरामा जोड दिए ।
त्यसैगरी आठ घण्टा काम, आठ घण्टा आराम र आठ घण्टा मनोरञ्जन निति लागु गरी विभिन्न क्षेत्रमा काम गर्ने अस्थायी, करार, दैनिक ज्यालादारी, तल्लो तहका कर्मचारीलाई न्यायोचित ज्याला सुविधा एव पारिश्रमिक तलव उपलब्ध गराईनुपर्ने, श्रमीकको बालबच्चालाई शिक्षामा सौलियत, स्वास्थ्य उपचारमा विशेष छुट, मजदुरको काम गर्दाको वखत दुर्घट्ना जोखिम विमा सुविधा गरिनुपर्ने, पेन्सीन सहितको सुविधा दिई राज्यले जिम्मा लिनुपर्ने, श्रमिकलाई क्षमता, अभिबृद्धि कार्यक्रम सञ्चालन गरी मजदुरलाई कमको दक्षता सम्बन्धी परिचयपत्र प्रदान गरिनुपर्ने, महंगि नियन्त्रण गरी श्रमिकलाई दैनिक उपभोग्य सामाग्रीमा सहुलियत छुट गरी गर्नुपर्ने, लगायत सरकारले पुरा गर्नुपर्नेमा जोड दिनुभयो ।
कोणसभाको सहजीकरण सुकुम्बासी मजदुर अभियान्ता आनन्द धामीले गरेका थिए ।
त्यसैगरी लालझाडी गाँउपालिकामा पनि ¥याली तथा अन्तरक्रिया गरी मजदुर दिवस मनाईएको छ । लालझाडी गाउपालिकाका प्रमुख प्रशासकीय अधिकृत राज बहादुर सार्कीले मजदुर दिवसमा ¥याली छलफल अन्तरकृया गरिएको बताए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
