नयाँ खबर
महेन्द्रनगर – १०औ राष्ट्रिय खेलकुद प्रतियोगिता तोकिएकै मितिमा सम्पन्न हुने राष्ट्रिय खेलकुद परिषद(राखेप) सदस्य सचिव टंकलाल घिसिङले बताउनुभयो । शनिबार कञ्चनपुरको महेन्द्रनगर पुगेर खेलकुदका भौतिक संरचनाको अवलोकन गरेका राखेप सदस्य सचिव घिसिङले कुनै पनि हालतमा तोकिएकै मितिमा राष्ट्रिय खेलकुद प्रतियोगिता हुने बताएका हुन् । उहाँले उत्कृष्ट प्रदर्शनका लागि राम्रो तयारीमा जुट्न सबै खेलाडीमा अनुरोध समेत गर्नुभयो ।

‘जहांसम्म १०औ राष्ट्रिय खेलकुद प्रतियोगिता सर्दैसर्दै जेठमा पुगेको छ, बास्तवमा सदस्य सचिव भएर मैले ९औ राष्ट्रिय खेलकुदको समेत नेतृत्व गर्ने अवसर पाए, र मैले त्यतिबेला नै मंसिर २ गते २०८१मा गर्ने गरी मिति तय गरेर सोका लागि आवश्यक बजेट समेत विनियोजन गत बर्ष नै गरेर पुरक बजेटको व्यवस्थापन भईसकेको स्थीति थियो, भलै विचमा परीषदको बैठकहरु समयमै नहुदाखेरी पहिले तोकेको मितिमा हुनसकेन,’ उहाँले अगाडि भन्नुभयो ‘अहिले नयाँ मिति पछिल्लो समय तोकिएको छ यो मितिमा नै प्रतियोगिता हुनुपर्छ, त्यसका निमित्त राखेप कुनै पनि कसरबाकि नराखिकन तयारीमा जुटिरहेको छ, युवा तथा खेलकुद मन्त्रालयलले पनि यसका निमित्त आवश्यक पहल लिईराखेको छ, त्यसैले सबैलाई म के सन्देश दिन चाहन्छु भने राष्ट्रिय खेलकुद प्रतियोगिता यहि जेठ ३ देखि १०मा सुर्खेतमा हुनेछ, यसका निमित्त देशभर विभिन्नरुपले तयारीमा जुटिरहनु भएका प्रशिक्षक,व्यवस्थापक, खेलाडी, सबै खेलाडी साथीहरु सबैलाई आ–आफ्नो तर्फबाट उत्कृष्ट प्रदर्शनका लागि तयारी हुनका लागि समेत सबैलाई अनुरोध गर्न चाहन्छु र आफ्ना सफलताका लागि पूर्ण टिमलाई सुभकामना पनि दिन चाहन्छु ।’
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।