सबैको बचत तथा ऋण सहकारी संस्थाको १६ औँ साधारण सभा सम्पन्न

महेन्द्रनगर – सबैको बचत तथा ऋण सहकारी संस्था लिमिटेड महेन्द्रनगरको १६औ साधारण सभा तथा छैटौं अधिवेशन सम्पन्न भएको छ। शुक्रबार महेन्द्रनगर गल्ली नम्बर २ स्थित आफ्नै कार्यालयको सभा हलमा अध्यक्ष रविन्द्र केसीको अध्यक्षता तथा पत्रकार लक्ष्मण तिवारीको प्रमुख आतिथ्यतामा सभा सम्पन्न भएको हो।
छैटौं अधिवेशनबाट नयाँ कार्यसमिति समेत चयन भएको छ। कार्यसमिति अध्यक्षमा रविन्द्र केसी उपाध्यक्षमा कमला पाण्डे सचिवमा रामबहादुर कुँवर सचिवमा निर्मला जोशी कोषाध्यक्षमा बालकृष्ण श्रेष्ठ चयन भएका छन् । त्यसैगरी सदस्यहरूमा सरिता भण्डारी सिंह ललित केसी पूजाचन्द विष्णुबहादुर कुँवर चयन भएका हुन् ।
समुद्घाटन कार्यक्रमको अध्यक्षता अध्यक्ष रविन्द्र केसीले गरेका थिए भने प्रमुख अतिथि लक्ष्मण तिहारी रहनुभएको थियो। कार्यक्रममा स्वागत मन्तव्य उपाध्यक्ष कमला पाण्डेले गर्नुभएको थियो । साधारण सभाले अध्यक्ष रविन्द्र केसीले प्रस्तुत गरेको वार्षिक प्रतिवेदन र कोषाध्यक्ष बालकृष्ण श्रेष्ठले प्रस्तुत गरेको आर्थिक प्रतिवेदन अनुमोदन गरेको छ ।
सहकारीका १६ सय बढी साधारण सदस्य रहेका छन्।

साधारण सभामा सहकार्यका बचतकर्ता लगानीकर्ता र कर्मचारी तथा सरोकारवालाहरूको उपस्थिति रहेको थियो।