महोत्सवमा क्रिकेटर दिपेन्द्र सिंह ऐरीलाई अभिनन्दन गरीदै

महेन्द्रनगर–कञ्चनपुर उद्योग बाणिज्य संघले नेपाली क्रिकेट जगतका हस्ती एवं अन्तराष्ट्रिय टि–२० क्रिकेट जगतका अलराण्डर दिपेन्द्र सिंह ऐरीलाई अभिनन्दन गर्नेको भएको छ । कञ्चपनुर उद्योगबाणिज्य संघले १६औ प्रदेशस्तरीय औद्योगिक मेला तथा कञ्चपनुर पर्यटन महोत्सवको अवसरमा विश्व कृतिमानी राख्ने क्रिकेटर दिपेन्द्र सिंह ऐरीलाई नगद रु ५१ हजार पुरस्कारसहित रथमा महेन्द्रनगर बजार परिक्रममा र अभिनन्दन गर्ने भएको हो ।
टि–२० क्रिकेट फर्मेटको खेलमा थुप्रे विश्व कृतिमानी राख्ने खेलाडी दिपेन्द्र सिंह ऐरीलाई कञ्चनपुर उद्योग बाणिज्य संघले मेलाको अवसर पारेर अभिनन्दन तथा रथमा बजार परिक्रममा गराई नगद रु ५१ हजार पुरस्कार प्रदान गर्न लागिएको सघंका अध्यक्ष पिताम्बर जोशीले बताउनुभयो । ‘कञ्चनपुर उद्योग बाणिज्य संघले कञ्चनपुरमा जन्मेको हुर्केको युवा दिपेन्द्र सिंह ऐरी जसले देशको क्रिकेटको नेतृत्व गरीरहेको र देशकै नाम रोसन गरीरहेको छ उहाँलाई ५१ हजार नगद, नगर परीक्रममा सहित अभिनन्दन गरीरहेका छौ,’ अध्यक्ष जोशीले भन्नुभयो ‘यसले क्रिकेट खेलसंग जोडिने अन्य युवा खेलाडीहरुलाई पनि उत्पेरणा मिल्नेछ ।’
दिपेन्द्र सिंहका विश्वकृतिमान
क्रिकेटर दिपेन्द्र सिंह ऐरीले चीनको हाङझोउमा भएको १९औँ एसियाली खेलकुदमा ऐरीले मङ्गोलिया विरुद्ध मात्र ९ बलमा टी–२० अन्तर्राष्ट्रियमा सबैभन्दा छिटो अर्धशतक प्रहार गरेका थिए । सायद यो रेकर्ड कसैले पनि तोड्न सक्नेछैनन् । त्यसैगरी एसीसी प्रिमियर कपमा कतारविरुद्ध एक ओभरमा लगातार ६ छक्का प्रहार गर्ने टी–२० आईमा तेस्रो खेलाडी बनेका थिए। नेपालको उत्कृष्ट अलराउन्डरहरू मध्ये एक मानिएका उनी हाल आइसिसी पुरुष खेलाडी वरियता अनुसार विश्वको दोस्रो उत्कृष्ट टी–२० अन्तर्राष्ट्रिय अलराउन्डर हुन् । उनको आक्रामक ब्याटिङ शैलीको कारण उनका फ्यान हरुले उनलाई ‘बाघ’ पनि भन्ने गर्छन ।

अध्यक्ष जोशीले महोत्सवमा अन्य विभिन्न विधा खेलकुद शिक्षा नया उत्पादनमा लाग्ने व्यक्तित्वहरुलाई पनि सम्मान गरिने बताउनुभयो ।