बेदकोट नगरपालिकाका नगर प्रमुखको सचिवालयका कर्मचारी विदा नलिई भ्रमणमा

महेन्द्रनगर–बेदकोट नगरपालिकाको नगर प्रमुख भोजराज बोहराको सचिवालयमा कार्यरत करार कर्मचारी विदा नलिई एक हप्तालामो विदामा बसेका छन् । नगरपालिकाको करार कर्मचारी अर्थात नगर प्रमुख बोहराको सचिवालनमा कम्प्युटर सहायक अपरेटर पदमा कार्यरत कर्मचारी प्रकास कलौनी विदा नमागिकनै थाईल्याण्डको एकहप्ता लामो बैदेशिक भ्रमण गरेका हुन् । साउन ९ गतेदेखि बिदा नलिईकनै कलौनी थाईल्याण्डको भ्रमणमा गएको खुलेको हो । नगरपालिकाले साउन ९ गतेदेखि कार्यालयमा हाजिर नभएको र लिखितरुपमा विदा पनि नलिएको जनाएको छ । नगरपालिकाका सूचना अधिकारी केशव दत्त भट्टले नगर प्रमुखको सचिवालयमा कार्यरत कर्मचारी कलौनीद्धारा विदाका लागि कुनै पनि भौतिक निवेदन पेश नगरीएको जानकारी दिए । त्यसैगरी नगरपालिकाका प्रमुख प्रशासकिय अधिकृत हरीदत्त भट्टले पनि कलौनीले फोनबाट आफु पर्सनल कामविशेषले बाहिर जानलागेको कुरा जानकारी गराएता पनि विदा नलिएको बताए ।

निजामति कर्मचारी कार्यविधि अनुसार अपझट(क्याजुअल) विदा बाहेक अन्य विदाका लागि कर्मचारलिे विदा बस्नुभन्दा अगाडि विदा प्रयोजनसहितको निवेदन दिएर स्वीकृत गराएरमात्रै बस्नुपर्ने प्रावधान रहेको छ । उक्त नियमको कर्मचारीले उल्लघन गरेको ठहरेमा कार्यालय प्रमुखले विदा नलिई कार्यालय नआउने कर्मचारीको हाजिरमा रातो लगाई(गयलगरी) तलव काट्नका लागि लेखामा सिफारिस गर्न सक्ने प्रावधान रहेको छ ।
नगरपालिकाका कर्मचारी कलौनीले आफु एक हप्ताको भ्रमणमा थाईल्याण्ड गएको कुरा सामाजिक सञ्जाल फेसबुक वालमा पोष्ट गरेका थिए । भने उनले आईतबार मात्रै आफु थाईल्याण्डबाट फर्किसकेको भन्दै काठमाण्डौ त्रिभुवन अन्तराष्ट्रिय विमास्थलका फोटो सामाजिक सञ्जालमा पोष्ट गरेका छन् । तर आईतबार उनी कार्यालय भने उपस्थीत भएका छैनन् । हाल नेपाली कांग्रेसका तर्फबाट निर्वाचित नगर प्रमुख भोजराज बोहराको सचिवालयमा कार्यरत कलौनी नेकपा एमालेका तर्फबाट निर्वाचित निवर्तमान नगर प्रमुख अशोक कुमार चन्दको सचिवालमा कृषि सहायक पदमा कार्य गरेका थिए । पछि चन्दको कार्यकालको अन्तिमतिर आएर नगर कार्यपालिकाको बैठकको निर्णणबाट करार कर्मचारीमा नियुक्त भएका थिए ।