फिरोज तामाङको सभाध्यक्षमा सुनापतिमा बृहत सास्कृतिक कार्यक्रम सम्पन्न

रामेछाप । सुनापति महादेव लहरेमाने संरक्षण समाज तथा हिलेदेबि वडा नं. ३ को समन्वयमा  बडा दशैंको शुभकामना आदानप्रदान तथा बृहत सास्कृतीक कार्यक्रम सम्पन्न भएको छ । 

सुनापति महादेव लहरेमाने संरक्षण समाजका अध्यक्ष फिरोज तामाङको सभाध्यक्षमा सम्पन्न भएको कार्यक्रममा सुनापति गाउँपालिका वडा नं. ३ का वडा सदस्य एवं नेकपा माओवादी केन्द्र ३ नं. वडा अध्यक्ष कुल बाहादुर थिङ प्रमुख अतिथी रहेका थिए । यस्तै कार्यक्रमका अतिथी वडा नं. ३ का वडा सदस्य डेक बहादुर  खड्का,  वडा सदस्य रजनी मोक्तान,  सुन्तली बि क, सुनापती गाउँपालिका वाईसीएल इन्चार्ज  तुफान लामा, नेपाली काँग्रेस वडा सभापति प्रतापसिंह मोक्तान,  सुनापति खेलकुद विकास समितिका सचिव राजेन्द्र कुमार मोक्तन लगायतका उपस्थिती रहेका थिए ।

सुनापति गाउँपालिका ३ नं. वडा अध्यक्ष बाबुराम तामाङको विशेष कामले उपस्थित हुन नसकिएकोले अध्यक्ष तामाङले कार्यक्रम सफलताको शुभकामना सहित बडा दशैंको शुभकामना व्यक्त गरिएको छ ।

कार्यक्रममा घर आगँनमै आइपुगेको नेपालीहरुको महान चार्ड बडा दशैको शुभकामना दिदै प्रमुख अतिथी वडा सदस्य थिङले सुनापति महादेव लहरेमाने संरक्षण समाजले समाजमा खेलेको भूमिका अतुलनिय रहेको बताएका छन् । उनले सकारात्म सोच भएका युवाहरुलाई जोडेर संस्थाले गरेको समाजिक कामको प्रशंसा गरे ।

यस्तै कार्यक्रममा बोल्दै संस्थाका अध्यक्ष एवं कार्यक्रमका सभाध्यक्ष फिरोज तामाङले बडा दशैको शुभकामना दिदै युवाहरुलाई सकारात्मक दिशा तर्फ अघि बढाउन आफुले सधै सहयोग गर्ने बताएका छन् । उनले संस्थाले महत्वपूर्ण र रचनात्मक काम गरेको र अझै पनि युवाहरुलाई जोड्दै अगाडि बढ्ने सुझाव दिए ।

हिलेदेबि, साँधी डाँडामा भएको शुभकामना आदानप्रदान तथा बृहत सास्कृतिक कार्यक्रममा रोज मोक्तान, हरि कर्मचार्य, अभिषेक तामाङ, रेश्मा बोम्जन, प्रमोद मोक्तान लगायत स्थानीय कलाकारहरूको बेजोड प्रस्तुति दिएका थिए ।