फलोरिडा इन्टरनेशनल बोडिङ्ग स्कुलले मनायो २५औं वार्षिकोत्सव तथा अभिभावक दिवस

महेन्द्रनगर – फलोरिडा इन्टरनेशनल बोडिङ्ग स्कुलले २५औं वार्षिकोत्सव तथा अभिभावक दिवस मनाएको छ । शिक्षाप्रेमी तथा समाजसेवी स्व. प्रताम राम लोहारले स्थापना गरेको बोडिङ्ग स्कुलको २५औ बार्षिकोत्सव तथा अभिभावक दिवस विद्यालयका प्रधानाध्यापक जयराज ओझाको सभापतित्व एवं सुप विश्वविद्यालयका शिक्षा शास्त्र संकायका डिन भवानी चलाउनेको प्रमुख आतिथ्यतामा भव्यताका साथ मनाईएको हो । विद्यालयको बार्षिक प्रगति प्रतिवेदन प्रस्तुत गदै विद्यालयले स्थापनाकालदेखि नै गुणस्तरीय बार्षिक परिक्षामा कक्षागतरुपमा उत्कृष्ठ हुने तिन जना विद्यार्थीहरुलाई प्रमाण पत्र प्रदान गरीएको छ ।

त्यसैगरी अतिरिक्त क्रियाकलापहरुमा उत्कृष्ठ स्थान हासिल गर्ने विद्यार्थीहरुलाई मेडल तथा प्रमाण पत्र प्रदान गरीएको छ । पुर्व विद्यार्थी, उत्कृष्ठ अभिभावकलाई पनि सम्मान तथा प्रमाण पत्र वितरण गरीएको छ ।

स्कूलले बरिष्ठ पत्रकार चित्रांग थापा र माहिला तथा बालिबालिका बेचविखनको विरुद्धमा काम गर्ने संस्था माईति नेपाल कञ्चनपुरकी संयोजक महेश्वरी भट्टलाई सम्मान गरेको छ । उनीहरुलाई सम्मान पत्र तथा दोसल्ला ओडाएर सम्मान गरीएको छ ।

फलोरीडाले गरिव तथा जेहेन्दार विद्यार्थीहरुलाई छात्रबृत्ति प्रदान गर्दै आईरहेको छ । यस विद्यालयबाट एसएलसी गरेका विद्यार्थीहरु देश तथा विदेशका उच्च ओहोदामा कार्यरत छन् ।
मण्टेश्वरीदेखि कक्षा १२ सम्म अध्ययन हुने यस विद्यालयमा हाल ९ सय बढी छात्र–छात्रा अध्ययनरत छन् ।

विभिन्न विद्यालयका शिक्षक, अभिभावक तथा सरोकारवालाहरुको गरीमामय उपस्थिति रहेको छ । कार्यक्रममा विद्यार्थीहरुले विभिन्न कला संस्कृति झल्किेन तथा राष्ट्रभाव जगाउने नृत्य गरेर उपस्थित सबैलाई भरपुर मनोरञ्जन दिएका छन् ।

विद्यालयले विद्यार्थीहरुको क्षमता अभिबृद्धि गर्न विभिन्न अतिरिक्त क्रियाकलाप साईन्स एक्जीकेसन, फुडफेष्ट लगायका कार्यक्रम गर्दै आईरहको छ ।