दोधारा । नेपाल राष्ट्रिय समाज कल्याण संघ (एनएनएसडब्ल्यूए) को आयोजनामा “परियोजना व्यवस्थापन र लैङ्गिक समानता, अपाङ्गता तथा सामाजिक समावेशीकरण” सम्बन्धी दुई दिने तालिम सम्पन्न भएको छ। संस्थाका कार्य समिति पदाधिकारी तथा विभिन्न परियोजनामा कार्यरत कार्मचारीहरुको क्षमता अभिवृद्धि गर्ने साथै समतामुलक समावेशी प्रतिनिधित्वलाई सुनिश्चित गर्ने उद्देश्यले एनएनएसडब्ल्यूए–को सभा हलमा तालिमको आयोजना गरिएको हो । नेपाल राष्टिय समाज कल्याण संघ (एनएनएसडब्ल्यूए) का संस्थागत विकास तथा मानव संसाधन व्यवस्थापक बिनोद बिक्रम जैरुले कर्मचारीहरुको वार्षिक मूल्यांकन, सन्तुष्टी सर्वेक्षण र क्षमता तथा विशेषज्ञता दर्शाउने मानव संसाधन सूची संकलन गरिएको र सोको आधारमा उनिहरुका आवश्यकता अनुसार क्षमता अभिवृद्धिका तालिम साथै अभिमूखिकरण कार्यक्रमहरू क्रमिक रुपमा गरिादै आएको बताउनुभयो ।
प्रवासी तथा उनिहरुका दम्पत्तीहरुका लागि एचआईभी तथा टीबी रोकथाम परियोजनाका संयोजक आरती सुनारले संस्थाले कर्मचारीहरुको क्षमता अभिवृद्धिका लागि विभिन्न तालिमहरुको आयोजना गर्दै आएको बताउनुभयो । उहाँले ‘परियोजना व्यवस्थापन र लैङ्गिक समानता, अपाङ्गता तथा सामाजिक समावेशीकरण’ सम्बन्धी दुई दिने तालिम सम्पन्न भएको बताउनुभयो ।
गुणस्तरीय शिक्षा परियोजनाका व्यवस्थापक बिशन जोशीले तालिममा सहभागी भएका कर्मचारीको परियोजनागत कार्य कुशलतामा वृद्धि हुनुका साथै परियोजना व्यवस्थापन क्षमता तथा संस्थाले बनाउने नीति र संरचनाहरुमा सबैको समतामुलक समावेशी प्रतिनिधित्वलाई सुनिश्चित गर्नमा टेवा पुग्ने विश्वास व्यक्त गर्नुभयो । तालिममा परियोजना व्यवस्थापन सम्बन्धी सहजीकरण परियोजना संयोजक आरती सुनारले गर्नुभएको थियो भने, लैङ्गिक समानता तथा सामाजिक समावेशीकरण सम्बन्धी सहजीकरण जेडसी सम्पर्क व्यक्ति मिनू सुनारले गर्नुभएको थियो ।
त्यस्तै अपाङ्गता सम्बन्धी सहजीकरण कुष्ठरोग रोकथाम परियोजनाका संयोजक राजिब अवस्थीले गर्नुभएको थियो । तालिममा संस्थाका अध्यक्ष मायादेवी सार्की, पदाधिकारी तथा सदस्यहरु, विभिन्न परियोजनाका कार्यक्रम संयोजकहरु साथै कर्मचारीहरुको उपस्थिती रहेको थियो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
