प्याब्सन कञ्चनपुरको अध्यक्षमा महादेव भट्ट सर्वसम्मत

महेन्द्रनगर – निजी तथा आवासीय विद्यालय संगठन नेपाल(प्याब्सन) कञ्चनपुरको अध्यक्षमा महादेव प्रसाद भट्ट सर्वसम्मत निर्वाचित भएका छन् ।
बिहीबार महेन्द्रनगरमा सम्पन्न भएको प्याब्सन कञ्चनपुरको १९औँ बार्षिक साधारण सभा एव १५औँ जिल्ला अधिवेशनबाट अध्यक्षमा भट्ट सर्वसम्मत चयन भएका हुन ।

प्याब्सन कञ्चनपुरको बरिष्ठ उपाध्यक्ष पदमा राकेश बहादुर चन्द, उपाध्यक्ष पदमा बालकृष्ण ढकाल, सचिव पदमा अक्कल बहादुर रोकाया, कोषाध्यक्ष पदमा केशवराज जोशी, सह सचिव पदमा नगेन्द्र प्रशाद कलौनी, सह कोषाध्यक्ष पदमा हिमालय कुमार चन्द पनि निर्विरोध निर्वाचित भएका छन् ।
त्यसैगरी सदस्यमा शिवराज पन्त, पुष्पराज ओझा, लोकेन्द्र राज जोशी, दिनेश कुमार बडू, सरोज राज जोशी, गौरीदत्त भट्ट, चन्द्रसिह बोगटी, देवराज जोशी निर्विरोध निर्वाचित भएका छन ।

अधिवक्ता प्रकासराज पाठक, यज्ञ प्रशाद भण्डारी, तर्कराज भट्टराईको निर्वाचन समितिले निर्बिरोध निर्वाचित घोषणाका साथै प्रमाण पत्र तथा पदभार गराएका छन । प्याब्सन कञ्चनपुरका नवनिर्वाचितअध्यक्ष महादेव प्रशाद भट्टले प्याब्सन कञ्चनपुरको भवन निर्माण गर्ने प्रतिबद्धता जाहेर गरेका छन । अध्यक्ष भट्टले प्याब्सनका अगुवादेखि सरोकारवालासंग समन्वय गरेर जाने बताउनु भयो ।

प्याब्सन कञ्चनपुरका निर्वतमान अध्यक्ष अमराज भट्टको अध्यक्षतामा भएको कार्यक्तमको प्याब्सन केन्द्रीय सल्लाहकार डा हिरा चन्दको प्रमुख आथित्यमा भएको कार्यक्रमको संचालक तत्तकालिन सचिव एव हाल बरिष्ठ उपाध्यक्षमा चयन भएका राकेश बहादुर चन्दले संचालन गरेका थिए ।