पावर अफ युथको ‘क्लीन महेन्द्रनगर, ग्रीन महेन्द्रनगर’ अभियान अन्तरगत गल्ली नं. ५, ४ र ३मा सरसफाई

महेन्द्रनगर–महेन्द्रनगर बजारलाई सफ सुन्दर, आकर्षक, हरीयाली बनाउने उदेश्यकासाथ असारको दोस्रो शनिबार १४ गतेदेखि सुरु गरीएको सरसफाई अभियान निरन्तर चलिरहेको छ । ‘क्लीन महेन्द्रनगर, ग्रीन महेन्द्रनगर’ भन्ने मुल नारा रहेको अभियान अन्तरगत साउनको तेस्रो शनिबार १७ गते गल्ली नं. ५, ४ र ३ मा सरसफाई गरीएको हो ।

पावर अफ युथ’ का पदाधिकारी, वोर्ड सदस्य, सदस्य, साधारण सदस्य, महेन्द्रनगर नमुना मावि(साधारण), ग्लोवल एकेडेमी, एपेक्स गोदावरी, फ्लोरिडा, ज्ञानदिप विद्यामन्दिर विद्यालय लगायतका विद्यार्थी, स्थानीय, नेपाल प्रहरी, नगर प्रहरीसहित सयौको सहभागितामा साउन १७ गते शनिबारको सरसफाई कार्यक्रम सम्पन्न भएको छ ।

बजारको गल्ली नं. ५ देखि गल्लि नं. ३ सम्म सरसफाई गरीएको पावर अफ युथकी अध्यक्ष प्रकृति भट्टले बताईन् । ‘आज हामीले गल्ली नं. ५देखि गल्लि नं. ३ सम्म तथा मदनचोकदेखि पार्कसम्म सरसफाई गरेका छौ,’ अध्यक्ष भट्टले भनिन्, ‘सबैले भन्छन् मैले होईन मैले होईन तर सबैले अलिअलि गर्दा फोहर जम्मा भएको हो, जो सफा गरीदिनुहुन्छ उहालाई धन्यवाद छ, जो फोहर फाल्नु हुन्छ उहाँलाई फोहर जथाभावि फोहर नफालिदिनहुन अनुरोध गर्दछु, नगरपालिकाको गाडि आईरहेको हुन्छ गाडिलाई फोहर दिईदिनुहोला गाडि आउदैन भने खवर गर्नुहोला ।’

भीमदत्त नगरपालिका, बर्गर हाउस, बल्र्डलिंक कमुनिकेसनलगायत विभिन्न संघसंस्था र व्यपारीहरुले सरसफाई सामग्रिलगायत खाजा नास्ताको सौजन्य गर्ने गरेको पावर अफ युथका वोर्ड सदस्य अंकित जोशीले बताए । उनका अनुसार छैठौ शनिबारको सरससफाई कार्यक्रममा बजारको विभिन्न गल्लिहरुमा सरसफाई गरीएको छ ।
घरधनीहरुलाइ भेटेर जथाभावि फोहर नफाल्न र घरअगाडि डष्टविनको व्यवस्था गरीदिन अनुरोध गरेको अंकित जोशीले बताए । आयोजक पावर अफ युथका युवा तथा सरसफाई अभियानमा जोडिएका विद्याथीहरुले अभियानमा जोडिन सबैमा आग्रह गरे । पावर अफ युथको अगुवाईमा उक्त अभियान अन्तरगत प्रत्येक शनिबार विहान ७ बजेदेखि ९ बजेसम्म दुई घण्टा बजारको विभिन्न स्थानमा सरसफाई अभियान सञ्चालन भईरहेको हो ।