पत्रकार कुँवर ५ हजार धरौटी बुझाएर थुनामुक्त

महेन्द्रनगर –पत्रकार ऐश्वर्या कुँवरलाई जिल्ला प्रशासन कार्यालयले पाँच हजार रुपैयाँ धरौटीमा छाडेको छ । प्रमुख जिल्ला अधिकारी मदन कोईरालाले ५ हजार रुपया धरौटीमा छोड्न आदेश दिएपछि पत्रकार कुवर सोमबार धरौटीमा छुटेकी हुन् । कञ्चनपुरका सहायक प्रमुख जिल्ला अधिकारी मोहन चन्द्र जोशीले कुँवर धरौटी बुझाएर छुुटेको जानकारी दिए ।

प्रजिअको आदेशपछि प्रहरीले उनलाई थुनामुुक्त गरेको हो । जिल्ला प्रहरी कार्यालयले अनुसन्धानका लागि भन्दै थप ३ दिन हिरासतमा राख्न माग गरेता पनि अदालतले अनुमति दिएन ।
प्रहरीले कुँवरलाई आठ दिन हिरासतमा राखेर अनुुसन्धान गरेको थियो । पहिलोपटक पाँच दिन र दोस्रोपटक तीन दिन म्याद थप गरेका थियो ।

भीमदत्त नगरपालिका–१८ का वडा अध्यक्ष रविन्द्र देवकोटालाई महेन्द्रनगरस्थित एक होटलमा सार्वजनिक कार्यक्रममा रिर्पोटिङ गर्न पुगेकी कुँवरले माहोल विग्रिएपछि आक्रोसित हुदै हातपात गरेकी थिइन् ।

आपसी भनाभनका क्रममा कुँवरले वडाध्यक्ष देवकोटामाथि मुक्का प्रहार गरेको सार्वजनिक भिडियोमा प्रष्ट देखिएको छ । उक्त भिडियोमा पत्रकार ऐश्वर्याले लामोसमय सम्म क्यामेरामा बोली दिन आग्रह गरेको देखिन्छ । सोही क्रममा वडा अध्यक्ष जोर जोरले बोल्दै पत्रकार कुवरलाई फिरौती माग्ने आरोप लगाएका छन् । फिरौती माग्ने पत्रकार भनेपछि कुवरले आक्रोसमा आएर वडा अध्यक्ष देवकोटालाई मुक्ता प्रहार गरेकि छन् । उक्त घट्ना पछि पत्रकार कुवरलाईलाई तत्कालै वडा प्रहरी कार्यालयको टोलीले घटनास्थलबाट नियन्त्रणमा लिएको थियो । भने उनको सर्वत्र आलोचना गरीएको छ ।
उनीविरुद्ध वडा अध्यक्ष देवकोटाले जिल्ला प्रहरी कार्यालय कञ्चनपुरमा अभद्र व्यवहारको मुद्धा दायर गरेका थिए । धरौटीमा छुटेकी पत्रकार ऐश्वर्यालाई साउन १४ गतेको तारिख दिईएको छ । धरौटीमा रिहा भएकी उनले कमिकमजोरी भएको स्विकार गर्दै आफुमाथि पनि अन्याय भएको दावि गरेकी छन् । उनले समाजका लागि लडिरहने पनि बताईन् ।