नेपाली कांग्रेसका नेता कार्यकर्तालाई विपी स्मृति दिवसले डो¥यायो बृद्धाश्रमसम्म

हेमा भट्ट, महेन्द्रनगर – नेपाली कांग्रेसले ४३औं बीपी स्मृति दिवसको अवसरमा बृद्धाश्रममा खाद्यान्न सामाग्रि प्रदान गरेको छ । मंगलबार कञ्चनपुर जिल्लाको बेदकोट नगरपालिका वडा नं. ७ र ८ मा पर्ने रौटेलास्थीत बैजनाथधाम बृद्धाश्रममा चामल, दाल र तेललगायतका खाद्यान्न सामाग्रि हस्तान्तरण गरेको हो ।

नेपाली कांग्रेस सुदूरपश्चिम प्रदेशसभा क्षेत्र नं २(क) का प्रदेश सभापति पुरन खड्का ‘झंकार’को सभापतित्वमा र सुदूरपश्चिम प्रदेश सरकारका सामाजिक विकास मन्त्री बहादुर सिंह थापाको प्रमुख आतिथ्यमा वृद्धाश्रमका संयोजक बहादुर विष्टलाई खाद्यान्न हस्तान्तरण गरीएको छ । खाद्यान्न हस्तान्तरणपछि मन्त्री थापाले बृद्धाश्रमको सेवा विस्तारमा सरकारको तर्फबाट आवश्यक पहल गर्ने प्रतिबद्धता व्यक्त गरे । ‘यी बुबाआमाहरूको आँखामा देखिएको स्नेह नै हाम्रो कामको प्रेरणा हो। सेवा गर्न पाउनु सौभाग्य हो,’ उनले भने, ‘वृद्धाश्रमको सेवा विस्तारमा सरकारको तर्फबाट आवश्यक पहल गर्ने प्रतिबद्धता व्यक्त गर्दछु ।’

विपिको समाजवादी सोच नै जनतासंगै बाच्ने दर्शन भएको कांग्रेस क्षेत्र नं. २(क)का प्रदेश सभापति पुरन खड्काले बताए । ‘बीपीको समाजवादी सोच जनतासँगै बाँच्ने दर्शन हो,’ उनले भने, ‘हाम्रो अभियान युवादेखि वृद्धसम्म, असहायदेखि निमुखासम्मको साथ लिएर अघि बढ्नेछ ।’ उनले देशभर कांग्रेसले स्मृति दिवसलाई सामाजिक सेवासँग जोडेर मनाइरहेको समेत जानकारी पनि दिए।
कार्यक्रममा प्रदेश सचिव नवराज पन्त, कोषाध्यक्ष टिकेश्वरी पाण्डे ‘प्रेरणा’, बेदकोट नगर समितिका पदाधिकारीहरू र कांग्रेस कार्यकर्ताहरूको उल्लेखनीय सहभागिता रहेको थियो। वृद्धाश्रमका संयोजक बहादुर विष्टले आश्रममा हाल १५ महिला र ७ पुरुष गरी २२ जना रहेको बताए । दिवसकै अवसरमा सन्दर्भमा नेपाली कांग्रेस बेदकोट नगर कार्यसमितिले वृद्धाश्रममा फलफूल वितरण कार्यक्रम पनि सञ्चालन गरेको थियो ।