दोधारा । युनिक सनराईज ईग्लिस स्कुलले दोधारा चाँदनी नगरपालिकाका बाढी पिडितहरुलाई लागी आर्थिक सहयोग रकम हस्तान्तरण गरेको छ् । युनिक सनराईज ईग्लिस स्कुलका प्रधानध्यापक, शिक्षकहरुले दोधारा चाँदनी नगरपालिका कार्यालयका पुगेर नगर प्रमुख किशोर कुमार लिम्बु तथा नगरपालिकाका कर्मचारीहरुलाई भेट गरि बिद्यालयका प्रधानध्यापक, शिक्षकहरुबाट संकलन गरिएको रु. ४० हजार नगद रकम नगर प्रमुख किशोर कुमार लिम्बुलाई हस्तान्तरण गरिएको दोधारा चाँदनी नगरपालिका नगर प्रमुखको सचिवालयले जनाएको छ् ।
दोधारा चाँदनी नगरपालिकामा केही दिन अघि ‘रेकर्ड ब्रेक’ गर्ने गरि आएको वर्षा संगै आएको महाकाली नदी र जगबुडा नदीको बाढीले स्थानियहरुमा ठुलो धनमालको क्षती बनाएको भन्दै नगर क्षेत्रमा बसोवास गर्ने स्थानियहरुको सहयोगार्थ उक्त रकम नगरपालिका कार्यालयलाई हस्तान्तरण गरिएको युनिक सनराईज ईग्लिस स्कुलका प्रिन्सपल सुमित्रा खड्का लिम्बुले जानकारी दिनुभएको छ् । बाढीले दोधारा चाँदनी नगरपालिका क्षेत्रमा थुप्रै स्थानियहरुको खेतीवाली, खाद्यान्न, भाडाकुडा, लत्ताकपडा बगाएर लगेको अवस्थामा आफ्नो बिद्यालयले केही गर्नु पर्छ भन्ने उद्धेश्यले सहयोग गरिएको प्रिन्सपल सुमित्रा खड्का लिम्बुले बताउनुभएको छ् ।
युनिक सनराईज ईग्लिस स्कुलका प्रिन्सपल सुमित्रा खड्का लिम्बु, शिक्षक सागर राना, उत्कर्ष जोशी, अर्जुन शर्मा, सुमित खड्का, राजेन्द्र साँउद, बिष्णा ओझा, हेमा बस्नेत, प्रियंका खड्का, प्रिया लिम्बु, सृजना चन्द, सन्तोषी उपाध्याय, सपना चन्द, शोभा सुनार लगाएतहरुबाट उक्त रकम संकलन गरिएको युनिक सनराईज ईग्लिस स्कुल दोधारा चाँदनीले जनाएको छ् ।
युनिक सनराईज ईग्लिस स्कुलबाट प्राप्त रकमलाई विपद् ब्यवस्थापन कोषामा जम्मा गरिएको दोधारा चाँदनी नगरपालिका कार्यालयले जनाएको छ् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
