गौरीघाट सामुदायिक वन फँडानीमा समितिकै पदाधिकारीलाई मुद्धा लगाईदै, रुख काट्न लगाउने जनप्रतिनिधिलाई उन्मुक्ति दिईदै

महेन्द्रनगर – कृष्णपुर नगरपालिका–७ कलुवापुरस्थित गौरीघाट सामुदायिक वन फँडानी प्रकरणमा सामुदायीक बनका पदाधीकारी र सदस्यहरुलाई मुद्धा लगाउने तयारी गरीएको छ । डिभिजन बन कार्यालय कञ्चनपुरले सव डिभिजन वन कार्यालय बाणिका कार्यालय प्रमुख भरत शाहको नेतृत्वमा गठन गरेको अनुसन्धान टोलीले अध्ययन गरेको आधारमा सामुदायिक बनका पदाधिकारीसहित सदस्यहरुमाथि नै मुद्धा दायरको तयारी गरीएको हो । फडानी प्रकरणमा कृष्णपुरका जनप्रतिनिधि पनि जोडिएको आरोप लाग्दै आएको छ । तर फडानी गर्न लगाउने जनप्रतिनिधिलाई उन्मुक्ति दिन खोजिएको स्थानीयको दावि छ । उनीहरुले नाम नखोल्ने सर्तमा गलत प्रतिवेदन तयार गरी निर्दोष सर्वसाधारण लाई फन्दामा पारी रुख काटाउनेलाई उन्मुक्ति दिन खोजिएको आरोप लगाएका छन् । अनुसन्धान फाइल फागुन ४ गते जिल्ला सरकारी वकिल कार्यालयमाा बुझाएको सव डिभिजन वन कार्यालय बाणिका प्रमुख भरत शाहले बताए । उनीका विरुद्ध मुद्धा दर्ताको तयारी थालिको प्रतिबेदनका बाकि कुरा बाहिर खोल्न नहुने भन्दै फोन काटेका छन् । उनी लामो समयदेखि एउटै कार्यालयमा बसेर काम गर्दै आएका अधिकृत हुन् । यसलेपनि उनले गरेको अनुन्धानमा स्थानीयको आशंका भएको हुनसक्छ ।

मंसिर दोस्रो साता बस्तीको बीचमा रहेको करिब १० हेक्टर क्षेत्रफलको सामुदायिक वन डेढ घण्टामै सखाप पारिएको थियो। सिसौ र खयरका रुखले भरिएको वन क्षेत्र अहिले उजाड बनेको छ। अनुसन्धानअनुसार मंसिर ११ गते दिउँसो १ सय ६४ रुख काटिएका थिए।

वन कार्यालयका अनुसार १६ देखि ८४ इन्च मोटाइसम्मका १ सय ३५ खयर, २४ देखि ६४ इन्च मोटाइका २८ सिसौ र १ कञ्जु गरी १ सय ६४ रुख कटान गरिएको पाइएको छ। कटानमध्ये ६१ गोलिया खयर ९१०१।५५ क्युफिट० र ४१ गोलिया सिसौ ९८१।०३ क्युफिट० काठ बरामद गरिएको छ।

वन फँडानीमा संलग्न रहेको आरोपमा १४ लाख ४० हजार ३ सय रुपैयाँ विगो दाबी गरिएको छ। साथै वन ऐनअनुसार विगोको दोब्बर जरिवाना र जनही दुई वर्ष कैद सजायको माग गर्दै मुद्दा प्रक्रिया अघि बढाइएको जनाइएको छ।