महेन्द्रनगर – कञ्चनपुर कारागारमा कैदबन्दी बीच झडप भएको छ । झडपको क्रममा ८ जना कैदीबन्दीहरू घाइते भएको जिल्ला प्रहरी कार्यालय कञ्चनपुरले जनाएको छ। कैदीबन्दीहरू आन्तरिक प्रशासनसँग असन्तुष्ट भए सँगै आक्रोशित भएपछि कारागारमा तनाव सिर्जना भएको जिल्ला प्रहरी कार्यालय कञ्चनपुरका सूचना अधिकारी एवं डिएसपी सागर बोहराले बताए । कारागारमा रहेका चौकीदार नाइके र कैदीबन्दीहरू बीच विवाद भएपछि स्थिति तनावपूर्ण बनेको उनले बताए । उनका अनुसार ८ जना कैदीबन्दीहरू घाइते भएका छन्। उनीहरूलाई महाकाली प्रादेशिक अस्पतालमा भर्ना गरी उच्च उपचार भइरहेको छ।
कारागारको अवस्था अहिले शान्तिपूर्ण रहेको उनले बताएका छन्। कैदीबन्दीहरूले विभिन्न माग राखेर कारागार भित्रै आन्दोलनमा उत्रेका हुन्। उनीहरुले कारागारका नाइके लाई विभिन्न किसिमको आरोप लगाएका छन् । कैदीबन्दीहरूले काराकारागारका नाइकेलाई लागू औसत, धुम्रोमान मध्यपान जस्ता पदार्थहरूको व्यापार गर्ने, कैदीबन्दीहरूलाई सरुवा गरिदिन्छु भन्दै पैसा लिने गरेको आरोप लगाएका छन् । उनीहरूले कारागारभित्रैबाट विभिन्न किसिमका नाराहरू लगाएका छन्।
सहायक प्रमुख जिल्ला अधिकारी, नाइके, चौकीदार र कैदीबन्दी बीच छलफल चलिरहेको डीएसपी बोहराले बताए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
