उच्च अदालत दिपायलद्वारा ५ सय ६५ वटा मुद्दा फर्छ्यौट

महेन्द्रनगर–उच्च अदालत दिपालय महेन्द्रनगरले चालु आर्थिक वर्षको असार २४ गते मंगलबार विहानसम्म ५ सय ६५ मुद्धा फछयौट गरेको छ । मंगलबारसम्म उच्च अदालत दिपायल महेन्द्रनगरले दर्ता भएको कुल मुद्धाको ६८ दशमलव ८२ प्रतिशत फछयौट गरेको हो ।

अघिल्लो आर्थिक वर्षका बाँकी रहेका २१२ वटा मुद्दासहित नयाँ दर्ता भएकाबाट तीन सय ५३ मुद्दासहित असारको २४ गतेसम्म ५६५ मुद्दा फर्छ्यौट भएको उच्च अदालत दिपायल, महेन्द्रनगर इलसालका रजिष्ट्रार जनक सिंह बोहराले बताउनुभयो । उनका अनुसार २ सय ५६ वटा मुद्धा फछयौट हुन बाँकि रहेका छन् ।

अघिल्लो आर्थिक वर्षका बाँकी रहेका दुई सय १२ वटा मुद्दा रहेकोमा सबै फर्छ्यौट गरीएको रजिष्ट्रार बोहराले बताउनुभयो । यस्तै, अघिल्लो महिना सम्म ५८९ नयाँ दर्ता, असार २४ गतेसम्म २० मुद्दा गरी उच्च अदालत दिपायल, महेन्द्रनगरमा ८२१ मुद्दा दर्ता भएका छन् । जसमध्ये नयाँबाट ३५३ मुद्दा फर्छ्यौट भएको रजिष्ट्रार बोहराले बताउनुभयो । रजिष्ट्रार बोहराका अनुसार फर्छ्यौट भएका मुद्दामा देवानी दुनियावादी मुद्दा ११०, फौजदारी दुनियावादी ५७, फौजदारी सरकारवादीसम्बन्धी मुद्दा ३४७ वटा रहेका छन् ।
फछयौट हुन बाकिमध्ये देवानी दुनियावादी ४४, फौजदारी सरकारवादी १६५, फौजदारी दुनियावादी २४ वटा पुनरावेदन गरीएका मुद्धा रहेका छन् । त्यसैगरी सुरुवाती अवस्थाका मुद्धामा फौजदारी सरकारवादी ३, फौजदारी दुनियावादी १ तथा १९ रिटको फछयौट हुन बाकि रहेका छन् ।
बोहराका अनुसार अवधिगत हिसावले ६ महिना भित्रको २०६ मुद्धा, छ देखि १२ महिना भित्रको ५० मुद्दा गरी २५६ मुद्दा फर्छ्यौट गर्न बाँकी रहेका छन् ।

उच्च अदालत महेन्द्रनगर ईजलासले न्यया सम्पादनको कार्य छिटोछरितो गरीरहेको रजिष्टार बोहराले बताए । ‘अहिले उच्च अदालतले न्याय सम्पादनको कार्य छिटोछरीतो गरीरहेको छ,’ उहाँले भन्नुभयो, अदालतले आफ्नो काम कारवाहीलाई छिटो, छरितो र सहज बनाउनका लागि समुदाय र सेवाग्राहीसँग पनि छलफल गर्नेगरेका छौ ।’