आजदेखि दोधारा चाँदनीमा महिला भलिवल प्रतियोगिता

महेन्द्रनगर : आजदेखि दोधारा चाँदनी नगरपालिकामा खुल्ला महिला भलिवल प्रतियोगिता हुन गईरहेको छ । नगर खेलकुद बिकास समिति दोधारा चाँदनीको आयोजनमा नगर स्तरिय भलिवल प्रतियोगिता शुक्रबार(आज)देखि सुरु हुने नगर खेलकुद बिकास समिति दोधारा चाँदनीका शाखा प्रमुख पदम बहादुर सिंहले बताए ।
प्रतियोगिताका सबै खेलहरु वडा नं ६ स्थित भानु माध्यमिक बिद्यालयको प्रांगणमा संञ्चालन हुने उनले बताए । प्रतियोगिताको सम्पुर्ण तयारी पुरा भएको पनि उनले बताएका छन् । प्रतियोगितामा प्रथम हुने टिमलाई रु. ३१ हजार नगद र प्रत्येक खेलाडीलाई खेलकुद पोशाक र द्धितिय हुने टिमलाई रु. २१ हजार नगद पुरस्कारसहित प्रमाण पत्र प्रदान गरीनेछ ।
त्यसैगरी प्रत्येक खेलाडीलाई खेलकुद पोशाक तथा प्रमाण पत्र तथा मेडलको ब्यवस्था गरिएको दोधारा चाँदनी नगरपालिकाका नगर प्रमुख किशोर कुमार लिम्बुले बताए ।