होली फेम्लि राष्ट्रिय क्रिकेट ‘स्कूल लेभल च्याम्पियनसिप’ को फाइनलमा होली फेम्ली र वात्सल्या भिड्ने

महेन्द्रनगर- होली फेम्लि राष्ट्रिय क्रिकेट ‘स्कूल लेभल च्याम्पियनसिप’ अन्तरगत सोमबार होलीफेम्लि र बात्सल्या विद्या निकेतनविच फाईनल खेल हुने भएको छ । होली फेम्लिले महाकाली सेकेण्ड्री स्कुललाई ३१ रनले पाखा लगाउदै र बात्सल्या विद्या निकेतनले महेन्द्रनगर मावि साधारणलाई १२ रनले पाखा लगाउदै फाईन यात्रा तय गरेका हुन् ।
पहिलो सेमिफाईन खेलमा टस जितेर ब्याटिङ्ग रोजेको होली फेम्लिले निर्धारीत २० ओभरको खेलको समाप्तीमा ९ विकेट गुमाउदै १ सय ७ रनको योगफल खडा गरेको थियो । होली फेम्लिका हरिश बुढाले ३७, विनय पाण्डेयले १६ रन र मुकेश जोशीले १९ रन जोडे ।
महाकालीका प्रिसियस मल्लले ३, निज कुवरले २ विकेट लिए ।
मध्यम लक्ष्य पछ्याउदै जवाफि व्याटिङ्ग गरेको महाकाली सेकेण्ड्री स्कुल १२.३ ओभरमै अलआउट हुदै ७६ रनमा प्याक भयो । होलिफेम्लिका लक्ष्मण नाथले महत्वपूर्ण ४ विकेट लिए । तपन अवस्थीले २ विकेट लिन सफल भए ।

दोस्रो सेमिफाईनल खेलमा पहिले व्यटिङ्ग गरेको बात्सल्याले १४.५ ओभरमा अलआउट हुदै ५४ रनको झिनो लक्ष्य दिएको थियो । खेल जितेको बात्सल्याका आयुस भट्टले १० रन बनाउनु बाहेक अन्य व्याटरको प्रदर्शन विर्सनलायक थियो । महेन्द्रनगर मावि साधारणका पुष्पराज थापा, मुकेश धामी, सुमित धामी, र सुभाष भण्डारीले समान २/२ विकेट लिएर उत्कृष्ट बलिङ्ग गरे ।
५४ रनको झिनो लक्ष पछयाएको महेन्द्रनगर माविले पनि व्याटिङ्ग सम्झन लायक गरेन । महेन्द्रनगरले १५.४ ओभरमै अलआउट भएको महेन्द्रनगर ४१ रनमै समेटियो । महेन्द्रनगरका कप्तान निशान्त भट्टले १५ रन बनाउनुबाहेक अन्य व्याट्स म्यान क्रिजमा टिक्न सकेनन् ।
बात्सल्याका धिरेन्द्रराज विष्टले ३, हिमाल पन्त, अनुप जोशी, आयुष भट्टले समान २/२ विकेट चट्काए ।
होली फेम्लि र बात्सल्या विद्या निकेतनवितको फाईनल खेल सोमबार दिउसो २ बजे होली फेम्लिको खेलमैदानमा हुने आयोजकले जनाएको छ ।

च्यामियनशिपमा १६ विद्यालयको सहभागिता रहेका छन् । प्रतियोगितामा च्याम्पियन बन्ने टिम कञ्चनपुरको प्रतिनिधित्व गर्दै सुप प्रदेश स्तरीय क्रिकेट प्रतियोगिता खेल्नेछ । प्रतियोगिता असार १ गते समापन हुनेछ । १६ टीमलाई ४ समूहमा विभाजन गरी प्रतिस्पर्धा गराएको हो ।
यो प्रतियोगिता कञ्चनपुर क्रिकेट संघको आयोजनामा होली फेम्ली इंग्लिश बोर्डिङ स्कूलको खेल मैदानमा सञ्चालन भइरहेको छ ।