नयाँ खबर
काठमाण्डौ –सुदूरपश्चिम विश्वविद्यालयको सेवा आयोगमा सत्तारुढ दुई दल एमाले कांग्रेसले भागबण्डा गरेका छन् । सत्तारुढ प्रमुद दुई दल एमाले र कांग्रेसको भागबण्डाअनुसार अध्यक्ष कांग्रेसको भागमा परेको छ भने सदस्य एमालेको भागमा परेको हो । सुप विश्वविद्यलय सेवा अयोग अध्यक्षमा पूर्व प्राध्यापक यज्ञराज भट्ट नियुक्त भएका छन् । उनी मानविकी तथा सामाजिक शास्त्र संकायका पूर्व प्राध्यापक हुन् । त्यसैगरी सेवा आयोग सदस्यमा प्राडा तारादत्त भट्ट नियुक्त भएका छन् । उनी त्रिभुवन विश्वविद्यालयका प्राध्यापक हुन् ।
यसअघि एमाले कोटाबाट प्राडा पूर्ण बहादुर चन्द सेवा आयोग अध्यक्ष थिए । एक जना लोकसेवाका प्रतिनिधि सदस्य हुने सुप विश्वविद्यालयको सेवा आयोगमा अध्यक्षसहित तिन सदस्यीय हुने व्यवस्था रहेको छ ।
विश्वविद्यालयका उपकुलपति र रजिष्ट्रार, परीक्षा नियन्त्रक, डीन लगायतका पदाधिकारी यस अघि भागबण्डामा नियुक्त गरिएका थिए । सुदूरपश्चिम विश्वविद्यालयका उपकुलपति प्राडा हेमराज पन्त कांग्रेसको कोटा र रजिष्ट्रार प्राडा विनोद लेखक एमालेको कोटामा नियुक्त भएका हुन् ।
विश्वविद्यालयमा पहिलो उपकुलपति प्राडा जयराज अवस्थीबाहेक सबै उपकुलपतिहरु प्राध्यापक भुषण श्रेष्ठ, प्राडा अम्मराज जोशी र प्राडा हेमराज पन्त काँग्रेस कोटामा नियुक्त भएका थिए ।
विश्वविद्यालयमा यस अघि प्राध्यापक हेमराज पन्त, द्धिजराज भट्ट र यज्ञराज पाठक यस अघि रजिष्ट्रार भई सकेका छन् । द्धिजराज भट्ट एमाले कोटाबाट रजिष्ट्रार भएका थिए भने पन्तर पाठक कांग्रेस कोटामा रजिष्ट्रार बनेका थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
