नयाँ खबर
महेन्द्रनगर – लागू औषधसहित भीमदत्त नगरपालिकाकी वडा सदस्य पक्राउ परेकी छन् । शनिबार दिउसो ३ बजेको समयमा भीमदत्त नगरपालिका वडा नं. १८ कटानबाट वडा सदस्य रुपा जैरुलाई लागुऔषध सहित पक्राउ गरेको हो ।
उनलाई लागु औषध ३० थान एम्फुल सहित पक्राउ गरीएको प्रहरी स्रोतले जानकारी दिएको छ । तर आधिकारीकरुपमा प्रहरीले वडा सदस्यलाई सार्वजनिक गरेको छैन् । वडा सदस्इ जैरुलाई लागु औषध व्यूरो महेन्द्रनगरको टोलिले पक्राउ गरेको हो । उनीमाथि थप अनुसन्धान भईरहेको जिल्ला प्रहरी कार्यालय कञ्चनपुरले जनाएको छ । जैरु भीमदत्त नगरपालिका वडा नं. १८को वडा सदस्यमा कांग्रेसबाट २०७९को स्थानीय तहको निर्वाचनबाट एक हजार ४ सय ५४ मत लिएर निर्वाचित भएकी थिईन् ।
कञ्चनपुर जिल्लामा लागु औषधको जालो कहाँसम्म फैलिएको छ भन्ने कुरा जननिर्वाचित प्रतिनिधि नै लागुऔषध ओसारपसारमा पक्राउ पर्दा खुलस्त हुन्छ । जनप्रतिनिधिले समाजलाई सकात्मक गति र उर्जा दिनुको साटो यस्तो बाटोमा लागे समाज कस्तो बन्ला ?
काराकारमा कैदीबन्दीविचमा भएका कुटाकुटका दुई घट्नाले समेत कञ्चनपुर जिल्लामा लागुऔषधको जालो सतिसालको रुखको जस्तै गाडिएकोमा दुईमत छैन् । कञ्चनपुर कारागारमा अधिकांश युवा युवतीहरू लागू औषध मुद्दाका रहेको तथ्याङ्कले देखाउँछ ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
