१
Advertisement
नयाँ खबर
महेन्द्रनगर – होली फेम्ली क्रीकेट एकेडेमीद्वारा संचालित “इन्डोर क्रीकेट ट्रेनिङ सेन्टर ” सञ्चालनमा ल्याइएको छ । मंगलबार होली फेँम्ली क्रिकेट एकेडेमीका अध्यक्ष एबं होली फेम्ली ग्रुप अफ स्कूलका चेयरम्यान भूपाल सिंह बिष्टको सभापतित्वमा औपचारिक कार्यक्रम गरी इन्डोर ट्रेनिङ सेन्टरको समुदघाटन गरी सञ्चालनमा ल्याइएको हो । कार्यक्रमको प्रमुख अतिथि जिल्ला क्रीकेट संघ कञ्चनपुरका अध्यक्ष बिरेन्द्र बहादुर चन्द रहेका थिए । त्यसैगरी कार्यक्रममा बिशिस्ट अतिथि सु.प.प्रादेशिक क्रीकेट संघका सचिव लक्ष्मण भट्ट, जिल्ला क्रीकेट संघका सचिव विशाल सोनार, समाजसेवी राजेन्द्र पाल, बिष्ट समाजका अध्यक्ष भवान सिंह बिष्ट रहेका थिए ।
सभापति भूपाल सिंह बिष्ट र प्रमुख अतिथि विरेन्द्र बहादुर चन्दले संयुक्तरुपमा रिबन काटेर ट्रेनिङ सेन्टरको समुदघाटन गरेका थिए ।
कार्यक्रममा समापन मन्तव्य राख्दै होली फेम्ली क्रिकेट एकेडेमीका अध्यक्ष भूपाल सिंह बिष्टले वर्तमान युवाहरुको इच्छा चाहना र आवश्यकता बमोजिम खेलकुदको माध्यमबाट बालबालिकाहरुको स्वस्थ जिवनशैली, अनुशासन, नेतृत्व बिकास, सकारात्मक मार्गदर्शन, लागुऔषधको कुलतबाट बचाउन क्रिकेट ट्रेनिङ सेन्टर सञ्चालनमा ल्याइएको बताए ।
प्रमुख अतिथि रहेका जिल्ला क्रिकेट संघ कञ्चनपुरका अध्यक्ष विरेन्द्र बहादुर चन्दले इन्डोर क्रिकेट ट्रेनिङ सेन्टरको सञ्चालनले खेलाडीहरूलाई निरन्तर अभ्यासमा सहयोग पुर्याउँदै उनीहरूको क्षमतामा निखारता ल्याउने भन्दै होली फेम्ली ग्रुपलाई धन्यवाद दिए ।
कार्यक्रममा विभिन्न संघ सस्थाका प्रमुख तथा प्रतिनिधि, बिद्यालयका प्र.अ.तथा शिक्षक प्रतिनिधि, स्थानीय ब्यवसायी, सुकासाल प्रहरी बिट्का प्रमुख लगायत सयौको संख्यामा क्रीकेट खेलाडीको उपस्थित रहेको थियो ।
एकेडेमीका उपाध्यक्ष महादेव प्रसाद भट्टले स्वागत मन्तव्य राखेका थिए । भने शुभकामना मन्तव्य होली फेम्ली मा.बि.का प्र.अ.बिशिस्ट अतिथि नारायण दत्त भट्टले राखे । एकेडेमीका सचिव हरि सिंह ठगुन्नाले सहजीकरण गरेका थिए ।
समाजसेवी बिष्टले सञ्चालनमा ल्याएको होली फेम्ली क्रिकेट एकेडेमीले थुप्रै राष्टिय तथा अन्तराष्ट्रिय स्तरका खेलाडी उत्पादन गरिसकेको छ ।
उनले आफ्नो एकल लगानीमा क्रीकेट इन्डोर ट्रेनिङ सेन्टर सञ्चालनमा ल्याएका हुन् ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
