लुटपाटमा संलग्न विभिन्न स्थानबाट २७ जना पक्राउ, उनीहरुको साथबाट ठूलो परिमाणमा हहियार बरामद

काठमाण्डौ–नेपाली सेनाले सुरक्षाको जिम्मेवारी लिएपछि लुटपाट र आगजनी जस्ता विध्वंसात्मक गतिविधिमा संलग्न २७ जनालाई पक्राउ गरेको छ । मंगलबार रातिदेखि बुधबार बिहानसम्मको कारबाहीमा सेनाले ठूलो परिमाणमा नगद र हतियारसहित मानिसहरुलाई पक्राउ गरेको हो ।
सेनाले जारी गरेको सुरक्षा अपडेट अनुसार मंगलबार राति १० बजेदेखि बुधबार बिहान १० बजेसम्मको अवधिमा काठमाडौंसहित देशका विभिन्न स्थानमा लुटपाट, आगजनी र जीउधनको क्षति गर्ने मनसायले अराजक गतिविधिमा संलग्न रहेका व्यक्तिहरु पक्राउ गरीएको सेनाले जनाएको छ ।
कारबाहीका क्रममा काठमाडौंको गौशाला–चाबहिल–बौद्ध क्षेत्रबाट लुटपाटमा संलग्न व्यक्तिहरूको साथबाट ३३ लाख ७० हजार रुपैयाँ नगद बरामद गरिएको छ । यसैगरी, सुरक्षाकर्मीले काठमाडौंका विभिन्न स्थानबाट २३ नाल र पोखराबाट ८ नाल गरी जम्मा ३१ नाल विभिन्न किसिमका हतियार, म्यागजिन र गोलीगठ्ठा बरामद गरेको छ।