नयाँ खबर
महेन्द्रनगर–मेधावी सेकेण्डरी स्कूल महेन्द्रनगरले कक्षा ७मा अध्ययनरत विद्यार्थीहरुलाई आदर्श नगर खानेपानी तथा सरसफाई समितिमा अवलोकन भ्रमण गराएको छ । आईतबार विद्यालयले विज्ञान विषयको प्रयोगात्मक कक्षाका लागि आदर्शनगर खानेपानी उपभोक्ता तथा सरसफाई समितिको भाँसीस्थीत कार्यालयमा अवलोकन भ्रमण गराईएको हो ।
विद्याथीहरुलाई कितावि कक्षाकोठाको ज्ञानमात्रै नभई फिल्डमै लगेर प्रयोगात्मक तरीकाको अध्ययन गराउदै आएको विद्यालयले विद्यार्थीहरुलाई खानेपानीको प्रशोधन र त्यसको वितरण प्रणाली बारे जानकारी दिनका लागि खानेपानीको कार्यालयमा भ्रमण गराईएको विद्यालयका विज्ञान शिक्षक शिवम बस्नेतले बताउनभयो ।
‘विद्यार्थीहरुलाई खानेपानीको सुद्धिकरण कसरी हुन्छ ? वितरण प्रणाली कसरी भईरहेको छ भन्ने बारे विद्यार्थीहरुलाई व्यवहारीक ज्ञान दिनका लागि आदर्श नगर खानेपानी उपभोक्ता समिति कार्यालयमा लगेका हौ,’ शिक्षक बस्नेत भने ‘जहाँसम्म पनि हो उहाँहरुले खानेपानी सुद्धिकरण हुदा आवश्यक पर्ने ईक्युपमेन्ट लगायत वितरण प्रणालीको बारेमा जानकारी लिएका छन, र उनीहरुले प्रयोगात्मकरुपमा ज्ञान लिएकाले त्यो कुरा उनीहरुका मानस्पटलमा स्थायीरुपले बस्ने र दिगो सिकाई हुन्छ ।’
फिल्ड भिजिटमा प्रत्यक्षरुपमा कसरी पानीको सुद्धिकरण हुने रहेछ ? र त्यसको वितरण कसरी हुदो रहेछ ? भन्ने कुराको वास्तविक ज्ञान लिईएको फिल्ड भिजिटमा गएका विद्यार्थीहरुले प्रतिक्रिया दिएका छन् । समितिका अध्यक्ष लिलाध्वाज बस्नेत र त्यहाका प्राविधिकहरुले खानेपानीको वितरण र सुद्धिकरण प्रक्रियाबारे विद्यार्थीहरुलाई जानकारी दिएका थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
