नयाँ खबर
महेन्द्रनगर – मर्निङ्ग ग्लोरीले कक्षा ११ मा भर्ना भएका विद्यार्थीलाई स्वागत गरेको छ । आईतबार भीमदत्त नगरपालिका १८ जानकी टोलस्थित विद्यालयले प्लस टु संयोजक शंकर बोगटीको अध्यक्षता एवं व्यवस्थापन समिति अध्यक्ष केशव बहादुर चन्दको प्रमुख आतिथ्यतामा कक्षा ११ मा अध्ययन गर्न भर्ना भएका विद्यार्थीहरुलाई अविर टिका र खादा माला लगाएर भव्य स्वागत गरेको हो ।
कार्यक्रममा कक्षा ११का अढाई सय विद्यार्थीलाई स्वागत गरिएको प्रिन्सिपल चुडामणी शर्माले बताए । कार्यक्रमका प्रमुख अतिथि चन्द, प्लस टु सांयोजक बोगटी, प्रिन्सिपल शर्मा लगायतले विद्यार्थीहरुको उज्वल भविष्यको कामनासहित स्वागत गरेका थिए ।
कक्षा ११ र १२ का चार सय विद्यार्थी कार्यक्रममा सहभागी भए । कार्यक्रमका प्रमुख अतिथि चन्दले विद्यालयको चौतर्फी विकासका लागि व्यवस्थापन समितिले थप योजना बनाई कार्यान्वयन गर्ने र नयाँ टिमले विद्यालयलाई थप उचाई पु¥याउने विश्वास व्यक्त गरे ।
विद्यालयका प्रिन्सिपल शर्माले कार्यक्रम सफल पार्न सहयोग गर्ने सबैमा धन्यवाद व्यक्त गर्दै आगामी बर्ष शैक्षिक गुणस्तर वृद्धि गर्ने र विद्याथीको बहुप्रतिभा प्रस्फुटन गर्न योजना बनाई थप कार्यक्रम गरिने बताए । मर्निङ्ग ग्लोरी विगत बर्षदेखि नै गुणस्तरीय शिक्षा प्रदान गर्दै आईरहेको विद्यालय हो ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
