भीमदत्त नगरपालिका वडा नं. ९को सार्वजनिक सुनुवाई सम्पन्न

महेन्द्रनगर – भीमदत्त नगरपालिका वडा नं. ९ ले सार्वजनिक सुनुवाई कार्यक्रम सम्पन्न गरेको छ । नगरपालिकाको सबैभन्दा बिकट वडाकोरुपमा रहेको वडा नं. ९ ले बिहिबार चार बर्षसम्म भए गरेका कार्यक्रम तथा विकाश निर्माणका कार्यहरुबारे सर्वसाधारणलाई जानकारी गराउने उदेश्यका साथ सार्वजनिक सुनुवाई कार्यक्रम सम्पन्न गरेको हो ।
वडा अध्यक्ष गगन सिंह कार्कीको अध्यक्षतामा सम्पन्न गरीएको कार्यक्रममा भीमदत्त नगरपालिकाका प्रशासकिय अधिकृत हरी सिंह धामीको प्रमुख आतिथ्यता रहेको थियो । कार्यक्रममा वडा सदस्य केशव जोशीले चार बर्षसम्म वडा कार्यालयले गरेका विकास निर्माणका कार्यहरु, सिफारिस, विभिन्न क्रियाकलापहरु, प्रत्येक आर्थिक बर्षको क्रमिकरुपमा प्रस्तुत गरेका थिए । त्यसैगरी कार्यक्रममा सौहार्दपूर्ण बाताबरणमा सहभागिहरुले जिज्ञासा तथा प्रश्न राखेका थिए । कार्यक्रममा सहभागिले उठाएका प्रश्न तथा जिज्ञासाको जवाफ वडा अध्यक्ष गगन सिंह कार्कीले दिए ।
सार्वजनिक सुनुवाई कार्यक्रममा अनुदानका लागि गरीएका सिफारिसका बारेमा जिज्ञासा आएकोमा वडा अध्यक्ष कार्कीले त्यसको जवाफमा सिफारिसका लागि आएका जति सबैलाई सिफारिस गरीएको उत्तर दिए । त्यसैगरी नल वितरणको मापदण्डको बारेमा आएको जिज्ञासाको उत्तरमा अध्यक्ष कार्कीले प्रत्येक टोलमा दुई÷दुई बोरिङ्ग वितरण गर्ने तथा अढाई लाख अढाई लाख गरी पाचलाखका दरले अनुदान वितरण गरीएको वितरण गरीएको जानकारी दिए ।
नगरपालिकाले दुई बर्षसम्म वडा सचिव नदिएर वडालाई हेप्नुहेपेको वडा अध्यक्ष कार्कीले दुखेसो पोखे । दुई बर्षसम्म वडा सचिवका लागि दैनिक महेन्द्रनगर बजारस्थीत नगरपालिका कार्यालय पुग्ने र वडा सचिव दिन हाकिम र नगर प्रमुखलाई आग्रह गर्दागर्दा बल्ल दुई बर्षपछि वडा सचिव पाएको उनले बताए । त्यसैगरी २÷२ बर्षसम्म वडा न ९ले वडा सचिव नपाउनुमा नगरपालिका दोषी भएको उल्लेख गर्दै त्यसमा आफु पनि जिम्मेवारी भएकाले नगरपालिकाको तर्फबाट क्षमा मागे । नगरपालिका प्रशासकिय अधिकृत हरी सिंह धामीले आफुलाई लाज लागेको समेत बताए ।
कार्यक्रममा सहभागिले सौहार्दपूर्ण बातावरणमा प्रश्न तथा जिज्ञासा राखेका थिए । कार्यक्रममा वडा सदस्य, पत्रकार, स्थानीय, कर्मचारी, सुरक्षाकर्मी लगायतको सहभागिता रहेको थियो ।
कार्यक्रमको सहजीकरण वडा सचिव मिश्रले गरेका थिए ।