भीमदत्त अन्तर मावि स्तरीय टी–२० क्रिकेट प्रतियोगिता, शान्ती निकेतन र होली फेम्ली सेमीफाईनल प्रवेश

महेन्द्रनगर – भीमदत्त अन्तर मावि स्तरीय टी–२० क्रिकेट प्रतियोगिता अन्तरगत चौथो दिनको खेलमा शान्ती निकेतन मावि र होली फेम्ली ईग्लिस मिडियम स्कूल विजयी भएका छन् । विजयी भएसंगै दुवै टिम सेमीफाईनल प्रवेश गरेका छन् ।

बुधबार विहान भएको पहिलो खेलमा होली फेम्लिले वेष्टर्न पव्लिक एकेडेमीलाई १ विकेटले पराजित गर्दै सेमिफाईन यात्रा तय गरेको हो । टस हारेर फिल्डिङ्गको निम्तो पाएको होली फेम्लिले १०७ रनको लक्ष्य १९.३ ओभर खेल्दै ९ विकेटको क्षतिमा भेट्टाएको हो । होली फेम्लिका लागि ३८ बल खेल्दै ३६ रन जोड्न सफल भए । त्यसैगरी कप्तान हरिस बुढाले १७ रन, तपन अवस्थीले १३ रनको योगदान गरे । होली फेम्लिका तपन अवस्थीले किफाईती बलिङ्ग गर्दै ४ ओभरमा १७ रन खर्चेर १ विकेट लिए । होली फेम्लिका तपन अवस्थी प्लेर अफ दि म्याच घोषित भएका छन् ।

वेस्टर्नका पुष्प पन्त र कपिल भट्टले समान ३/३ विकेट लिएपनि जितका लागि पर्याप्त हुन सकेन् ।
बुधबार दिउसो भएको दोस्रो खेलमा टस जितेर व्याटिङ्ग गरेको शान्ती निकेतनले निर्धारित २० ओभर खेल्दै १४३ रनको योगफल खडा ग¥यो । शान्ती निकेतनका महेश लावडले ४१ बलको सामना गर्दै ४१ रन जोडे । ३६ बलको सामना गरेका ले ३३ रनको योगदान गरे । १६ बलको सामाना गरेका ईशान दौल्यालले २३ रन बनाए । सनराईजका सुनिल चन्दले ४, निराजन जोशीले २ लिन सफल भए ।

जवाफि व्याटिङ्ग गरेको सनराई ८.५ ओभरमा अलआउट हुदै ३४ रनमा समेटिन पुग्यो । सनराईजका सुनिल चन्दले १५ रन बनाउन बाहेक अन्य व्याट्सम्यान क्रिजमा टेक्न सकेनन् ।

शान्ती निकेतनका मनिष लेखकले सार्वाधिक ५ विकेट लिए । उनले चार ओभर बलिङ्ग गर्दै मात्र १६ रन खर्चेका हुन् । त्यसैगरी ईशान दौल्याल ४ विकेट हात पारे । उनले आफ्नो पुरै ४ स्पेल फाल्दै मात्र १२ रन दिए । यसको खेलको प्लेयर अफ दि म्याच ईशान दौल्याल घोषित भए ।

बिहीबार बिहान ७ बजेदेखि मर्निङ्ग ग्लोरी भर्सेस लिटिल स्टार र दिउसो २ बजेदेखि ईन्टर नेशनल भर्सेस लिटिल बुद्ध एकेडेमीविच प्रतिस्पर्धा हुने होली फेम्लिका  असिस्टेन्ट म्यानेजर महादेश भट्टले जानकारी दिए । उनका अनुसार यी दुई खेलबाट सेमिफाईनल पुग्ने बाकि दुई टिमको टुङ्गो लाग्नेछ ।
टी–२० क्रिकेट प्रतियोगिता भीमदत्त नगरपालिकाको सहकार्यमा होली फेम्लि ईग्लिस मिडियम स्कूलले आयोजना गरेको हो । प्रतियोगितामा भीमदत्त नगरपालिकाका भित्रका १८ माध्यमिक विद्यालयको सहभागिता रहेको छ ।

प्रतियोगिताको विजेता टीमले नगद ५१ ह्जार १ सय ११ रुपयाँ सहित ट्रफि प्राप्त गर्नेछ । उपविजेता टीमले नगद ३१ ह्जार १ सय ११ रुपयाँ सहित ट्रफि मेडल र प्रमाण पत्र प्राप्त गर्नेछ ।

त्यसैगरी म्यान अफ द म्याच घोषणा हुने खेलाडीलाई एक हजार ५ सय , बेष्ट बलर, बेष्ट व्याट्सम्यानलाई जनही २ हजार ५ सय, र म्यान अफ द सिरिज लाई ३ हजार तथा उदयीमान खेलाडी लाई १ हजार ५ सय रुपयाँ सहित ट्रफि, मेडल प्रदान गरीनेछ । जेठ १६ गते शनिबारदेखि संञ्चालन भएको प्रतियोगिता जेठ २३ गते शनिबार समापन गरीने आयोजकले जनाएको छ ।