१
Advertisement
दोधारा । कञ्चनपुर जिल्लाको दोधारा चाँदनी नगरपालिकाका नगर प्रमुख किशोर कुमार लिम्बु महाकाली नदीबाट जोगाउनका लागि एक हप्तादेखि संघिय सरकारका विभिन्न मन्त्रालयहरुमा धाईरहेका छन् । नगर प्रमुख लिम्बु महाकाली नदीका कारण बर्षेनी आउने विपद दिगोरुपमा हटाई नगरबासीलाई बाढीबाट जोगाउनका लागि केही दिन देखि काठमाण्डौमा संघिय सरकारका विभिन्न मन्त्रालयमा मन्त्री तथा कार्यालय प्रमुख संग हारगुहार गरिरहेका हुन् । त्यसै क्रममा नगर प्रमुख लिम्बुले आज पनि गृह मन्त्रालयमा गृहमन्त्री रमेश लेखक संग भेटघाट तथा छलफल गरेका छन् ।
उनले गृहमन्त्री लेखक संग दोधारा चाँदनी नगरपालिकाका बाढी सम्बन्धी समस्या बारे जानकारी गराएका छन् । दोधारा चादनी नगरपालिकाका बासिन्दाले बर्षेनी झेल्दै आएको बाढीको समस्यालाई दिर्घकालिनरुपमा समाधान गर्न गृहमन्त्री गम्भीर हुनुभएको नगरप्रमुख लिम्बुले बताए ।
गृह मन्त्री रमेश लेखकले दोधारा चाँदनी नगरपालिका आफ्नो निर्वाचन क्षेत्र समेत रहेको हुदा बाढी र वन्यजन्तुले गर्दै आएको क्षतीको बारेमा आफु समेत गम्भिर रहदै आएको बताएका छन् ।
यसै समस्यालाई लिएर नगर प्रमुख लिम्बुले केही दिन अघि मात्रै प्रधानमन्त्री केपि शर्मा ओलीलाई पनि भेट गरि महाकाली नदी र जगबुडा नदीले स्थानियहरुमा दिदै आएको पिडाको समस्या अघि सारेका थिए ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
