१
Advertisement
नयाँ खबर
महेन्द्रनगर – कञ्चनपुर प्रहरीले भारतबाट नेपालतर्फ लागुऔषध ल्याउँदै गरेका एक युवकलाई पक्राउ गरेको छ।
जिल्ला प्रहरी कार्यालय कञ्चनपुरका अनुसार शुक्रबार अपराह्न करिब ४:३० बजे इलाका प्रहरी कार्यालय गड्डाचौकी र लागुऔषध नियन्त्रण ब्युरो शाखा कार्यालय महेन्द्रनगरबाट खटिएको संयुक्त प्रहरी टोलीले भीमदत्त नगरपालिका–११ स्थित गड्डाचौकी क्षेत्रमा चेकजाँचका क्रममा जिल्ला बझाङ जयपृथ्वी नगरपालिका–३ का २७ वर्षीय कमल विकलाई नियन्त्रणमा लिएको हो।
प्रहरीका अनुसार प्रारम्भिक चेकजाँचमा कुनै लागुऔषध फेला नपरेपछि उनले पेटभित्र वा गोप्य अङ्गमा लुकाएर ल्याएको हुन सक्ने आशंकामा महाकाली प्रादेशिक अस्पतालमा चिकित्सकीय निगरानीमा राखिएको थियो।
आज बिहान करिब १० बजे दिसा गर्ने क्रममा कालो प्लास्टिकले बेरिएको एउटा पुडिया बाहिरिएको प्रहरीले जनाएको छ। मान्यता प्राप्त तराजुबाट तौल गर्दा उक्त पुडियाभित्र ७.७५ ग्राम अवैध लागुऔषध ब्राउन हेरोइन रहेको पुष्टि भएको प्रहरीले जनाएको छ।
घटनासम्बन्धी थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ।
परशुराम मिडिया प्रालि.द्धारा सञ्चालित नयाँ खवर डटकमले समाचार, विचार, मनोरन्जन, खेल, विश्व, सुचना प्रविधि, भिडियो तथा जीवनका बिभिन्न आयामका समाचार र विश्लेषण समेट्छ । मर्यादित समाज विकास र उन्नतीको पथमा अगाडी बढ्ने उदेश्यका साथ आवाज बिहीनहरुको आवाज बनेर बाहिर प्रस्फुटन हुन नसकेको सत्य तथ्य, निष्पक्ष समाचार संप्रेषण गर्न सधै प्रतिबद्धछौ । भ्रस्टाचार, अनियमितता सम्बन्धी कुनै अडियो भिडियो तपाई संग छ भने हामीलाई उपलब्ध गराउनुहोस र जिम्मेवार नागरिकको दायित्व पुरा गर्नुहोला, श्रोत गोप्य राखिने छ ।
