कार्तिक १९ गते बुधबार पोखरी कटेजमा साँस्कृतिक साँझ

महेन्द्रनगर–कञ्चनपुर जिल्लामा पर्यटकिय स्थलको लागि चर्चित पोखरी कटेजमा साँस्कृतिक साँझ कार्यक्रमको आयोजना गरीएको छ । राष्ट्रिय संगीतकर्मी संघ सुदूरपश्चिमको आयोजना एव राष्ट्रिय संगीतकर्मी संघकै केन्द्रिय सदस्य तथा सुप प्रदेश इन्चार्ज ऐन बहादुर दौल्यालको प्रायोजनमा कार्तिक १९ गते बुधबार बेदकोट नगरपालिका ७ सुडामा रहेको पोखरी कटेजमा साँस्कृतिक साँझ कार्यक्रम हुने भएको हो ।

कार्यक्रममा राष्ट्रिय कलाकार टेक विसि लगायत स्थानीय स्तरका कलाकारहरुको प्रस्तुति रहने आयोजकले सोमबार पत्रकार सम्मेलन गरी जानकारी दिएको छ । देशको पछिल्लो राजनितिक अवस्थाले मानिसहरुमा नैराश्यता र चिन्ता बढाएको ले त्यसबाट मुक्त गराउका लागि बृहत सास्कृतिक कार्यक्रमको आयोजना गरीएको आयोजनकले जनाएको छ ।

साथै ‘आन्तरिक पर्यटन प्रर्बद्धन, कला संस्कृतिको सम्र्बद्धन’ गर्ने उदेश्यका साथ कार्यक्रम राखिएको उनीहरुको दावी छ । राष्ट्रिय संगीतकर्मी संघ सुदूरपश्चिम प्रदेशका अध्यक्ष निल गगन रोशन सिहले बृहत साँस्कृतिक कार्यक्रमको तयारी अन्तिम चरणमा पुगेको बताए । कञ्चनपुर जिल्लाको पर्यटकीय गन्तव्य रहेको पोखरी कटेजमा पहिलो पटक संघले बृहद साँस्कृतिक कार्यक्रम गर्न लागेको उनले बताए ।

उनले कार्यक्रममा स्थानीय कलाकारहरुलाई प्रर्बद्धन गर्न उनीहरुकै कला प्रस्तुत गरिने बताएका छन् । उक्त बृहद साँस्कृतिक कार्यक्रमका सहव्यवस्थापक रन पालले बुधबार दिउँसो २ बजेदेखि नै साँस्कृतिक कार्यक्रम संचालन हुने बताए । एक दिने बृहद साँस्कृतिक कार्यक्रममा सहभागिताका लागि आयोजकले आब्हान गरेको छ ।