आर्थिक बर्ष २०८१/०८२ को प्रथम त्रैमासिक प्रगति समिक्षा गोष्ठि सुरु

महेन्द्रनगर–सुदूरपश्चिम प्रदेश सरकार भूमि व्यवस्था, कृषि तथा सहकारी मन्त्रालय अन्तरर्गका कृषि विकास निर्देशनालय र पशुपन्छी तथा मत्स्य विकास निर्देशनालय दिपायल डोटीको संयु्क्त आयोजनामा प्रथम त्रैमासिक प्रगति समिक्षा गोष्ठी सुरु भएको छ ।

आईतबार कञ्चनपुर जिल्लास्थित शुक्लाफाँटा जंगल कटेजमा आर्थिक बर्ष २०८१/०८२ को प्रथम त्रैमासिक दुई दिने प्रगति समिक्षा गोष्ठि कार्यक्रम सुरु भएको हो । कार्यक्रमको भुमि व्यवस्था, कृषि तथा सहकारी मन्त्री विर बहादुर थापा(पातल)ले समुद्धघाटन गरेका थिए । उद्धघाटन कार्यक्रमको सभापतित्व भुमि व्यवस्था, कृषि सहकारी मन्त्रालयका सचिव यज्ञराज जोशी रहेका थिए ।

कार्यक्रममा कृषि विकास निर्देशनालयका निर्देशक खगेन्द्र शर्मा र पशुपन्छी तथा मत्स्य विकास निर्देशनालयका तर्फबाट सुचना अधिकारी पुस्कर राज नाथले तिन महिने प्रगति प्रतिवेदन प्रस्तुत गरेका थिए ।

अनुदान वितरणको कार्यक्रमलाई पारदर्शि बनाउने लगायतका योजना आफ्नो प्राथमिकतामा रहेको मन्त्री थापाले बताए । मन्त्रालयले युवा लक्षित व्यवसाय कार्यक्रम ध्यानमा राखि पछिल्लो समय लिजमा लिएको जमिनको भाडा सरकारले तिर्ने व्यवस्था रहेको मन्त्री थापाले बताए । जसमा कृषि व्यवसाय लाई विशेष प्राथमिकतामा राखेर एम्बुलेन्स खरिद समेत गरिने उनले बताए ।

भुमि व्यवस्था, कृषि तथा सहकारी मन्त्रालयका सचिव यज्ञराज जोशीले मन्त्रालयमा कर्मचारीको अभावका बावजुद पनि तिन चार महिनामा उल्लेखनीय कार्य भएको बताए । कार्यक्रममा मन्त्रालय मातहतका सबै कार्यलयका कार्यालय प्रमुख तथा प्रतिनिधि सहभागि रहेका छन् । कार्यक्रमको सोमबार समापन हुनेछ ।