समावेशी कटान सामुदायिक बनमा तिन हजार विरुवा रोपियो, ४ हजार ५ सय विरुवा रोप्ने लक्ष्य

कृष्ण दत्त पन्त, महेन्द्रनगर–कञ्चनपुर जिल्लाको कृष्णपुर नगरपालिका वडा नं. ३ स्थीत श्री समावेशी कटान सामुदायिक वनमा विभिन्न प्रजातीका ३ हजार बोटविरुवा बृक्षारोपण गरीएका छन् । समाबेशी कटान सामुदायिक बनमा बिहिबार एक हजार पाँस सय र शुक्रबार पनि एक हजार पाँच सय गरी विभिन्न प्रजातीका तिन हजार विरुवा रोपिएको सामुदायिक बनका अध्यक्ष खेमराज ओझाले बताए ।

वन समन्वय समिति कञ्चनपुरको ‘निजि बन प्रबद्धन तथा बृक्षारोपण सप्ताह’ कार्यक्रम अन्तरगत सामुदायिक बनमा ४ हजार पाँच सय विरुवा रोप्ने लक्ष्य लिईएकोमा शुक्रबारसम्म तिन हजार विरुवा रोपिएको अध्यक्ष ओझाले बताएका हुन् । वनमा रक्तचन्दन, कागती, बकाईनो, श्रीखण्ड, सिसम, विजयसाल र लिप्टीसका बोटविरुवा रोपिएको अध्यक्ष ओझाले बताए । बनमा घाईते बन्यजन्तु उपचार केन्द्रको स्थापना गरीने अध्यक्ष ओझाले जानकारी दिए । उनका अनुसार उपचार केन्द्रमा आरक्षबाट डाक्टर आउने र बाकि सहयोगी स्थानीयस्तरबाट राखिनेछ । शुक्रबारको बृक्षारोपण कार्यक्रम संगै सामुदायिक बनको भवन समेत समुद्धघाटन गरीएको छ ।

सामुदायिक बनको समुदघाटन कार्यक्रमका प्रमुख अतिथि रहेका सुदूरपश्चिम प्रदेश वन महानिर्देशक हेमराज विष्टले गरेका थिए । कार्यक्रमको विशिष्ठ अतिथि रहेका वन समन्वय समिति कञ्चनपुरका अध्यक्ष महेश दत्त जोशी रहेका थिए । अम्बा, कागती अमला, लिचि, आँप, कटहरलगायत फलफुलका बोटविरुवा उपभोक्ताहरुले आफ्नो निजि जमिनमा बृक्षारोपण गर्न उपलब्ध गराएको जिल्ला बन समन्वय समितिका अध्यक्ष महेश दत्त जोशीले बताए ।

२ सय ६५ उपभोक्ता रहेको सामुदायिक बन २०६७ चैत्र १४ गते शुक्लाफाटा राष्ट्रिय निकुञ्जले हस्तान्तरण गरेको थियो । सुरुवातमा एक सय ३९ उपभोक्ता रहेको सामुदायीक बनको भवनको समुद्धघाटन समेत गरीएको छ । सामुदायिक बनले २०८२÷०८३ मा पिक्निक स्पोर्ट लगायत फुटवल ग्राउण्ड बनाउने जस्ता महत्वाकाक्षि योजना अघि सारेको छ । यो बन शुक्लाफाटा नगरपालिका वडा नं. १२ मा पनि परेको छ ।