कञ्चनपुरमा जेठदेखि लालपुर्जा वितरण गर्ने भुमी आयोगको तयारी

महेन्द्रनगर–कञ्चनपुरमा भुमी समस्या समाधान आयोगले आफ्नो कार्यलार्य तिव्र बनाएको छ । आयोग गठन भएको तीन महिनामै कञ्चनपुरमा आयोगले लालपुर्जा वितरणको अन्तिम तयारी थालेको हो ।

भुमी आयोग कञ्चनपुरका अध्यक्ष नेत्र प्रकाश पन्तले सेतो पुर्जा विरतण भएकालाई लालपुर्जा वितरण गर्ने तयारी भईरहेको बताउनुभयो । उनका अनुसार आयोगले सेतो पुर्जा वितरण भएका जग्गाधनिको फाईल अध्ययनको काम भईरहेको छ । आयोगले फाईल अध्ययन गरि आवश्यक कागजात भए नभएको प्रमाणित गरि पुर्जा वितरण गर्ने भुमि आयोग कञ्चनपुरका अध्यक्ष पन्तले बताउनुभयो ।

आयोगले भीमदत्त नगरपालिकामा तीन सय ६० र दोधरा चादनी नगरपालिकाका एक चार फाईलको काम सकिएको जनाएको छ । जिल्ला भरिमा अघिल्लो आयोगले चार हजार ६५ सेतो पुर्जा वितरण गरेको थियो । जेठसम्म एक हजार लालपुर्जा वितरण गर्ने आयोगको लक्ष्य छ ।

अघिल्ला आयोगले गरेका अधुरा कामहरु पुरा गदैँ छौँ,’ आयोगका अध्यक्ष पन्तले भने ‘पहिलो चरणमा सेतो पुर्जा वितरण गरेकालाई लालपुर्जा वितरण गछौँ, सँग–सँगै आवेदन परेको फाईलहरु प्रमाणीकरण गर्ने र कम्प्युटर सिष्टममा अपडेट गर्ने काम भईरहेको छ ।’

कञ्चनपुरमा भुमिहिन दलित, भुमिहिन सुकुम्बासी, अव्यवस्थित बसोवासी गरि ७२ हजार नौ सय ३० वटा आवेदन परेका छन् । आयोग गठन भएको पछिल्लो तीन महिनामा कञ्चनपुरमा आठ हजार ९२ फाईल प्रमाणीकरण गरिएको छ ।

त्यस्तै स्थानीय तहका प्रमुख, वडा कार्यालयसँगै समन्वयात्मक बैठकसँगै प्राविधिकहरु तालिम दिईएको अध्यक्ष पन्तको भनाई छ । भुमी सम्बन्धि समस्या लामो समयदेखि समाधान हुन नसकेको बताउँदै अध्यक्ष पन्तले भने ‘अहिलेको सरकारले पनि आयोगको कामलाई उच्च प्राथकिमतामा राखेको छ, जग्गा प्राप्तीमा विगतमा तोकिएको राजस्व पनि अकल्पनिय हिसाले घटाएको छ, कञ्चनपुरमा दुईदेखि अढाई वर्षभित्रमा लालपुर्जा वितरण गरिसक्ने हाम्रो लक्ष्य छ ।’
साथै श्रोत साधनको अभावले कार्यालय व्यवस्थापन तथा सञ्चालनमा असजता भएको उनले गुनासो पनि गरे ।