सुदुर पश्चिम प्रदेश प्रादेशिक पर्यटन महोत्सव आयोजना हुने

महेन्द्रनगर–महेन्द्रनगरमा शुक्रबारदेखि सुदूरपश्चिम प्रदेश प्रादेशिक पर्यटन महोत्सव(फारवेष्टर्न टुरिज्म मार्ट) को आयोजना हुने भएको छ । सुदूरपश्चिम सहित नेपालका पर्यटकीय स्थलको प्रवद्धनका लागि नेपाल पर्यटन बोर्ड र भीमदत्त नगरपालिकाको आयोजनामा महेन्द्रनगरमा फारवेष्टर्न टुरिज्म मार्टको आयोजना हुने भएको हो । नेपाल पर्यटन बोर्ड र भीमदत्त नगरपालिकाको आयोजनामा तीन दिनसम्म चल्ने महोत्सवको समुद्धघाटन पर्यटन तथा नागरीक उड्यानमन्त्री बद्री पाण्डेयले गर्ने कर्याक्रम रहेको आयोजकले पत्रकारसम्मेलनमार्फत जानकारी दिएको छ ।

सुदूरपश्चिम प्रदेशका मुख्य पर्यटकिय गन्तव्यहरुको बारेमा जानकारी र आन्तरीक र बाह्य पर्यटकहरु भित्र्याउने बारे नेपाल–भारतका पर्यटन व्यबसायीहरुविच छलफल गर्ने तथा मुख्य पर्यटकियस्थलहरुमा भ्रमण गराउने लक्ष्य महोत्सवको रहेको महोत्सव आयोजक समितिका संयोजक एव भीमदत्त नगर पर्यटन विकास समितिका उपाध्यक्ष राजेन्द्र केसीले बताए ।

उक्त मार्ट कार्यक्रममा भारतका विभिन्न ठुला शहर दिल्ली, उत्तराखण्ड, उत्तर प्रदेश सहितका स्थानका ५० जना बढि पर्यटन व्यवसायीहरुको सहभागिता रहने आयोजकले जानकारी दिएको छ ।

महोत्सव आयोजक समितिका संयोजक केसीले छिमेकी मुलुक भारतका पर्यटक व्यवसायीहरुलाई सुपका मुख्य पर्यटकिय स्थानहरुको बारेमा जानकारी गराउने बताए ।
‘दुवै देशका पर्यटन व्यवसायीहरुसंग पर्यटन बृद्धि विकासदेखि नेपालमा कसरी पर्यटन भित्र्राउने बारे विज्ञहरुबाट चुनौती एव सम्भावनाका विषयमा घनिघुत छलफल हुनेछ, ‘उनले भने, ‘पर्यटन प्रर्बद्धनका लागि हामीले भारतीय पर्यटन व्यवसायीसंग नेपालमा पर्यटक भित्र्राउन प्याकेज बनाउन योजना दिन्छौँ ।’
दोस्रो दिन महाकाली, कर्णाली नदीका ट्याफ्टिङ, टीकापुर, शुक्लाफाँटा राष्ट्रिय निकुञ्ज सहितका पर्यटकीय स्थलको प्रत्यक्ष अवलोकन गराउने बताए । तेस्रो दिन नेपालको पर्यटन बृद्धि विकासका लागि समिक्षा सहित समापन गरिने छ ।

नेपाल एसोसिएन अफ टुर एण्ड ट्राभल एजेन्टस(नाटा) सुदूरपश्चिमका अध्यक्ष पदम विक्रम सिहले उक्त मार्ट कार्यक्रमबाट नेपाल र भारतका पर्यटन व्यवसायीविच सुदूरपश्चिमका पर्यटकीय गन्तव्य बारे थप जानकारी हुने भएकाले भारतका पर्यटक नेपालका विभिन्न स्थान र नेपालका पर्यटक सुदूरका पर्यटकीय गन्तव्यमा आउने वातावरण सृजना हुने भएकाले पर्यटन माध्यमबाट आर्थिक बृद्धि विकासमा टेवा पुग्ने बताए ।
‘विगतमा पनि हामीले यस्ता कार्यक्रम गरेका थियौँ, ‘उनले भने, ‘यसबाट दुवै देशका पर्यटन व्यवसायीविच थप पर्यटकीय गन्तव्य बारे जानकारी भएर पर्यटनका लागि टेवा पुगेको थियो ।’
सुदूरपश्चिमको पर्यटन विषयमा जानकार राख्ने बरिष्ठ पत्रकार चित्राङ्ग थापाले कार्यक्रमबाट दुवै देशका पर्यटन व्यवसायीविचको आपसी सम्वाद, छलफलबाट थप पर्यटन प्रर्बद्धन हुने भएकाले कार्यक्रमलाई प्रभावकारी बनाउन जोडदिए ।
कञ्चनपुरका होटल व्यवसायी जगदिशचन्द्र भट्टले यस महोत्सवमा बिटुबी(विजनेस टु विजनेस) छलफल हुने भएकाले नेपालका पर्यटकीय गन्तव्य रहेका क्षेत्रमा राम्रो आतिथ्यता स्वागत गर्न सके थप पर्यटन प्रर्बद्धन हुने बताए । पत्रकार सम्मेलनका प्रमुख अतिथि समेत रहेका नेपाल पत्रकार महासंघ कञ्चनपुरका अध्यक्ष सुरेश सिह धामीले पर्यटन बृद्धि विकासका लागि संचार माध्यममकोे भूमिका महत्वपूर्ण हुने भएकाले पर्यटन प्रर्बद्धनका क्षेत्रमा संचारकर्मीले समेत आ–आफ्नो ठाँउबाट भूमिका निर्वाह गर्ने बताए । कार्यक्रमको मुख्य आयोजना होटेल ओपेरा हुनेछ ।