बेदकोट उपभोक्ता समिति अध्यक्ष कठायतद्धारा गल्ती स्वीकार, सरस्वती र भगवती समुहको पुनः नयाँ कार्यसमिति गठन

Advertisement

महेन्द्रनगर– शुक्लाफाटा राष्ट्रिय निकुञ्ज मध्यवर्ती उपभोक्ता क्षेत्र अन्तरगतको बेदकोट उपभोक्ता समिति द्धारा उपभोक्ता समूह गठनमा मनपरी गरिएको भन्दै स्थानीय बासिन्दा तथा उपभोक्ताहरुले कडा विरोध गरेपछि समितिका अध्यक्ष अर्जुन कठायतले गल्ती भएको स्किार गरेका छन् । सोमबार समिति अध्यक्ष कठायतले वडा नं. १० का वडा अध्यक्ष रतन सिंह विष्टको बिशेष उपस्थितिमा भगवती उपभोक्ता समुह र सरस्वती उपभोक्ता समुहको नयाँ कार्यसमिति गठन गरेका छन् । उनले उक्त समुह गठनको दौरानमा जानाजान गल्ती नगरेको तर उपभोक्ता समुह गठनमा गल्ती भएको स्वीकार गरेका हुन । शनिबार विहान उपभोक्ताहरुले समितिको कार्यालयमा पुगेरै विरोध गरेका थिए ।

सरस्वती महिला उपभोक्ता समूहको अध्यक्षमा लक्ष्मी वादी, उपाध्यक्षमा माया रावल, कोषाध्यक्षमा अमृता कार्कि बडुवाल, सदस्यमा जमुना पाण्डेय, पार्वती हमाल मल्ल र लक्ष्मी बोहरा चयन गरिएको छ । भने प्रतिनिधिमा लक्ष्मी वादी र गिता एडी चयन गरिएको छ । उपभोक्ता भेलामा ४९ जनाको उपस्थिति रहेको थियो ।

त्यसैगरी भगवती महिला उपभोक्ता समुहको अध्यक्षमा गंगा देवी थापा, उपाध्यक्ष धर्मादेवी लुहार, सचिवमा कृष्णा सुनार, कोषाध्यक्षमा राजेश्वरी शाह थापा, सदस्यमा कल्पना थापा, सानु लुहार र पद्मा दमाई चयन गरिएका छन भने प्रतिनिधिका लागि गंगा देवी थापा र कृष्णा सुनार चयन गरिएका छन् । भगवती समुहको ३४ जना उपभोक्तामध्ये ३३ जनाको उपस्थिती रहेको थियो ।

यस अघि अध्यक्ष कठायतले आफुलाई सहजहुने गरी सुटुक्क प्रतिनिधि छनौट गरेका थिए । स्थानीयहरूले शुक्लाफाँटा राष्ट्रिय निकुञ्ज संरक्षण तथा वन्यजन्तु संरक्षणका लागि गठन गरिने समितिमा केही निश्चित व्यक्तिलाई मात्र समावेश गरी अन्य समुदायलाई बेवास्ता गरिएको भन्दै कडा विरोध गरेका थिए । उनीहरूले समिति अध्यक्ष कठायतले आफ्नो स्वार्थअनुकूल व्यक्तिहरूलाई मात्रै चयन गरेको आरोप लगाएका थिए ।